Kimyo fakulteti noorganik vanalitik kimyo kafedrasi

(_imzo)

Ushbu uslubiy ko‘rsatma Kimyo fakulteti Kengashida tasdiqlangan (2021 yil ____________ №___-sonli bayonnoma).

Kimyo fakulteti dekani:	____________ prof. To‘raev X.X. (imzo)
Kimyo fakulteti dekani:	____________ prof. To‘raev X.X. (imzo)
“KELIShILDI”
O‘quv-metodik boshqarma boshlig‘i	_______________ K.Yadgarov (imzo)

Kirish

Mazkur uslubiy ko‘rsatma O‘zbekiston Respublikasi Prezidentining «O‘zbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash to‘g‘risida» 2019 yil 8 oktabrdagi PF-5847-son hamda «2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Ilm, ma’rifat va raqamli iqtisodiyotni rivojlantirish yili»da amalga oshirishga oid davlat dasturi to‘g‘risida» 2020 yil 2 martdagi PF-5953-son farmonlarida belgilangan vazifalar, O‘zbekiston Respublikasi Vazirlar Maxkamasining 2001 yil 16 avgustdagi «Oliy ta’limning davlat ta’lim standartlarini tasdiqlash to‘g‘risida»gi 343-son

qarori va 2020 yil 31 dekabrdagi 824-sonli qarorining “Oliy ta’lim muassasalarida o‘quv jarayoniga kredit-modul tizimini joriy etish tartibi to‘g‘risidagi Nizom” ga asosan tayyorlandi.

Oliy ta’limning asosiy maqsad va vazifasi zamon talablariga javob bera oladigan malakali, yuksak bilimli, oliy ta’lim mutaxassisi talablariga o‘zi tanlagan yo‘nalishi yuzasidan talabga javob bera oladigan, ilm-fan, madaniyat, iqtisod, ijtimoiy sohalarini rivojlantirishda o‘z hissasini qo‘shadigan, mustaqil fikrlay oladigan, yuksak ma’naviyatga ega bo‘lgan yuqori salohiyatli hamda ijodiy qobiliyati shakllangan, faoliyati davomida o‘zini rivojlantira oladigan, o‘zini-o‘zi boshqarish va innovatsion faoliyatga ixtisoslashgan raqobatbardosh mutaxassislarni tayyorlashdir.

Bunday vazifani bajarishda esa talabalarning mutsaqil ta’limi asosiy o‘rinni egallaganligi bois, mustaqil ta’limni to‘g‘ri tashkil etish, uni nazorat qilish tartibi va odilona baholash muhim ahamiyat kasb etadi. Ushbu uslubiy ko‘rsatmada aynan 5140500-kimyo ta’lim yo‘nalishi talabalariga mutaxassislik fanlaridan mutsaqil ta’limni tashkil etish, nazorat qilish va baholash tartibi keltirilgan bo‘lib, undan ushbu ta’lim yo‘nalishida dars berayotgan professor-o‘qituvchilar, tadqiqotchilar, magistrant va bakalavr talabalar foydalanishlari mumkin.