Kimyo kafedrasi

Nazorat savollari.
Organizmni immuni tizimi haqida nima bilasiz?
Markaziy immunoginez organlari haqida qanday ma’lumotga egasiz?
Immun tizimini markaziy a’zosi-ayrimsimon (timus) bezini to’zilishi va funktsiyasi haqida ma’lumot bering.
Immun tizimini periferik organlariga nimalar kiradi?
Immunitet haqida ma’lumot bering.
Immunitet jarayonida ishtirok etuvchi hujayralar haqida nima bilasiz?
T-limfotsitlar bajaradigan vazifasiga qarab qanday turlari mavjud?
Immunoglobulinlar haqida nima bilasiz.
OITS kasaligini kelib chiqish ta’rixi haqida nima bilasiz?
OITSni qo’zg’atuvchi virusini topilishi haqida gapirib bering.
OIV virusi infektsiyasini geografik tarqalishi haqida malumot bering.
OIV virusini biologik xususiyati va tashqi muhitga chidamliligini yoritib bering.
OIV-infektsiyasini manbalari haqida nima bilasiz?
OITS-infektsiyasini yuqish yo’llari tug’risida ma’lumot bering.
OITS xafvli guruhlari haqida nima bilasiz?
OIV qanday immunotanqislik guruhiga mansub?
OITS-ni potoginezi, haqida nima bilasiz?


Foydalaniladigan adabiyotlar.
Zufarov K. A. Gistalogiya T, . Ibn Sino nashriyoti 1991y
Belozerov K. V. i soavtor. Pervichno’e i vtorichno’e immunodefitsiti. Almata. 1999 god
Petrov R. V. Immunalogiya 1995 god.
Yo. Q. Xudoyberdiev SPID-XX asr o’lati.
www.cry.ru
www.medinfo.ru
www.doctor.ru
www.golcom.ru


8-mavzu. OITSning aniqlash usullari, tashxisi, davosi profilaktikasi

1. 
   OITS-ni diagnostikasi
   
2. 
   OITSning davosi va davolash tamoyillari:
   
3. 
   Virus tashuvchilarni aniqlash maqsadida yoppasiga diagnostik tekshiruvlardan o’tkazish
   
4. 
   Ishonch xonalariga murojat qilganlarni test yordamida tekshirish.
   
5. 
   Respublikamizda OITSning oldini olish chora tadbirlari tug’risidagi buyruq va qarorlari.
   

DIAGNOSTIKASI. OITS diagnozi klinik simptomlari va laboratoriya tekshirishlari natijasida asoslangan bo’ladi. Jahon sog’liqni saqlash tashkiloti tavsiyasiga ko’ra quyidagi dalillar topilgan holda OITS haqida o’ylamoq zarur.

1. 
   60dan yosh odamlarda Kaposhi sarkomi aniqlansa;
   
2. 
   2-3 oydan o’zoqqa cho’ziladigan surunkali ich ketar kasalligida enteropatogen mikroblari topilmagan va ko’p miqdorda kriptosporidium topilgan hollarda;
   
3. 
   O’zoq cho’ziladigan noma’lum isitma ko’zatilganda (3 oydan ortiq);
   
4. 
   Markaziy nerv sistemasining limfomasi rivojlanganda;
   
5. 
   Odamdagi ximioterapiya usuli bilan davolashda to’zalmaydigan pnevmoniya aniqlangan;
   
6. 
   Bemor sababsiz ozib, 10%dan kam bo’lmagan og’irligini yo’qotganda;
   
7. 
   Noma’lum etiologiyali limfopeniya bo’lganda;
   
8. 
   Har xil bakteriyalar, zamburug’lar viruslar, bir hujayrali sodda jonivorlar qo’zg’atadigan va tez-tez qaytarilib turadigan ekzogen va endogen reinfektsiyalar ko’zatilganda;
   
9. 
   Doimiy kam quvvatlik va kechasi ko’p terlash ko’zatilganda;
   

OITSni aniqlashda laboratoriya diagnostikasi katta ahamiyatga ega.
Ulardan: - Immunnoferment aniqlash;
Radioimmunopretsipetat analizi;
Immunobloting analiz;
Ko’proq qo’llanadi va diagnoz qo’yishda yordam beradi.
Bundan tashqari diagnoz qo’yilishida bemorni tanosil kasalliklari, yuqumli V va E gepatit kasalligi, genital kasalliklari bor yo’qligi uning ijtimoiy va ruhiy holati aniqlanadi. Tekshirilayotgan kishi besoqolboz emasligi unga donorlik qoni quyilgan quyilmaganligi, tomir orqali narkotik moddalarini qabul qilgan yoki qabul qilmaganligi aniqlanadi.
Limfatik bezlar, asab sistemasi sinchiklab tekshiriladi. Hozirgi kunda jahondagi turli laboratoriyada OIVni aniqlash uchun maxsus sezuvchanlikka ega bo’lgan va aniq bir maqsadni ko’zlagan arzonlashtirilgan va soddalashtirilgan usullar ishlab chiqilmoqda. Bo’lar immunoferment va immunoblotni tekshirish usullaridir. Bugungi kunda OITSni aniqlash kompleks ravishda olib boriladi.
OIV infektsiyasini kasallikni boshlang’ich bosqichidan OITS-ni rivojlanishigacha bo’lgan davrda asosan laboratoriya tahlili (maxsus antitana va antigenlarni aniqlash) o’tkaziladi. OIVga antitanani aniqlash uchun material sifatida qon zardobi yoki plazmasi olinadi, ammo oxirgi vaqtlarda biologik materiallar turi ko’paymoqda.
Laboratiriya tahlilini ichida asosan immunoferment tahlil (IFT) hisoblanadi. Agar bu usul bilan olingan natija musbat bo’lsa, tahlil yana ikki marotaba takrorlanadi. Agar hech bo’lmaganda yana bir marta musbat natija aniqlansa OIV-infektsiyani maxsus usullar bilan davom etiriladi.
Masalan: retrovirusni alohida oqsillarga qarshi antitanani aniqlashga imkon beradigan immunobolting usuli ishlatiladi. Bu usul bilan olingan natija musbat bo’lgandan keyin OIV-infektsiyasiga chalinganlik haqida xulosa chiqarish mumkin. Bundan tashqari aglyutinatsiyaga reaktsiya, radioimmunopretsiptatsiya, immunoflyuresentsiya, polimerazli zanjirli reaktsiya va boshqa usullar ham ishlatiladi.
DAVOSI. SHu vaqtgacha ko’p dorilar tekshirib ko’rildi, lekin ularning bittasi ham yaxshi natija bermadi.
Davolash printsipi quyidagichadir:
OITS virusiga ta’sir qilish.
Organizmning immun holatini yaxshilash, ya’ni immunostimulatsiya usuli.
Paydo bo’lgan har turli opportinustik (yondosh) kasalliklarga qaratilgan davo usullari.
Bugungi kunga qadar juda ko’p maxsus virusga qarshi dorilar ishlab chiqilganki, ularning ta’sir jihatidan ikki guruhga ajratish mumkin:
Teskari trankriptsiya ingibitorlari.
Proteazalar (oqsillar) ingibitorlari.
Teskari trankriptsiya ingibitorlari o’z navbatida-nukleozidli va nukleozidli bo’lmagan turlarga bo’linadi. Nukleozidli ingibitorlar sifatidagi dorilarga: zidovudin; didanozin; zaltsitabin; lamivudin; stovudin va boshqalar kiradi. Nukleozidli bo’lmagan dorilarga- neviropin, delaverdin kiradi. Proteazalarga-qarshi dorilarga-indnavir, nelfinovar, ritonavir, va boshqalarni keltirish mumkin. Davolanishning ikkinchi yo’li organizmning immun holatini yaxshilash ya’ni immunostimulatsiya usuli hisoblanadi.
Kasallikka qarshi kurashning uchunchi yo’li turli yondosh kasalliklarga qaratilgan davo usuli. YA’ni yuqorida ko’rsatilgan OITSning ikkilamchi kasalliklariga shu kasalliklarga ishlatiladigan dori darmonlar maxsus sistema orqali ishlatiladi.
Immun tizimining bo’zulishiga olib keladigan va kasallikning kelib chiqishiga sabab bo’ladigan OIV virusiga qarshi vaksina ishlab chiqarish ma’lum qiyinchiliklar to’sqinlik qilmoqda.

1. 
   Virusning kuchli o’zgaruvchanlik xususiyati, ya’ni mutatsiyaga uchrashi
   
2. 
   Virusning genetik rekombinatsiyalanishi.
   
3. 
   OIVning turli variantlari va boshqa viruslar o’rtasida genlarning almashinuvi
   
4. 
   Bemordagi OIV genlari bilan hujayra genlari o’rtasida ham genlar almashinuvini mavjudligi.
   

Hozircha virusga qarshi immunizatsiya uchun bo’layotgan harakatlarda tozalangan yoki glikoproteinning chatishtirilgan qobiqlaridan ishlatilgan.
Ba’zi hollarda neytrallaydigan antigenlar ishlab chiqarilganki bo’lar bir necha shtamlarga ta’sir etib qolmay balki ularning ancha past bo’lgan titrlariga ham ta’sir etadi. Bundan tashqari neytrallaydigan antigenlar virusning qaysi kompanentlariga qarshi qaratilgani ham noma’lum.
Immunologlar vaksinaga juda qattiq talab qo’yishmoqda: OIV-ni hujayra nishoniga kirishga yo’l qo’ymaslik; OIVni miyaga kirishdan avval neytrallashgan holga keltirish; immun tizim orqali OIVni hamma variantlarini bilib olishga erishishni ta’minlash va hamma vaksina bilan emlanganlarga to’la kafolat berish. OIVga qarshi vaksina olish jarayonida yuqoridagi muammolarni echish masalasi turibdi. Muamolarning favqulotda qiyinchiligiga qaramasdan bo’larning echimida yaxshi fikrlar paydo bo’la boshladi va ba’zi laboratoriyalarda odamlarda vaksinaning klinik tajriba ishlari boshlab yuborildi. Bo’larning hammasi yaqin vaqtlarda OIV virusiga qarshi vaksina olinishiga asos bor degan xulosaga kelish imkonini beradi.
Ko’pchilik olimlarning hisobiga qaraganda keng miqiyosda vaksina bilan emlash ishlari 5-7 yildan keyngina boshlanishi mumkin. Bundan avvalgi yillarda vaksina bilan emlashga imkon bo’lmasa ham epidemiyaning o’sishi va OIVning yuqish yo’llarini to’sish mumkin. SHunga asosan Butun Dunyo Sog’liqni Saqlash tashkiloti tomonidan maxsus dastur tayorlandi.
Dasturning asosiy bosqichlari quyidagilardan iboratdir:
Sanitariya targ’iboti.
Jinsiy aloqa bilan virusni yuqishini to’xtatish.
Giyohvand moddalarni inektsiya orqali olganda virus yuqishini to’xtatish.
Vertikal (homilali bemor ayoldan bolaga yuqishi) yo’l bilan yuqishni to’xtatish.
Virusni qon, qon mahsulotlari va ko’chirib o’tkaziladigan organlar orqali yuqishiga qarshi kurashish.
Sog’liqni-saqlash mutaxasislari targ’ibotchilardir.
Qon va qon preparatlari qabul qilayotgan bemorlarda virus bilan zararlanishni oldini oish maqsadida quydagi amallar bajarilishi shart:

1. 
   Donorlarni OIV virusiga tekshirish.
   
2. 
   Ifloslangan o’tkir va sanchiluvchi asboblar yordamida muolajalar o’tkazmaslik.
   
3. 
   Qon qo’yilayotganda bir marta ishlatiladigan igna va sistemalarni qo’llash.
   
4. 
   Giyohvandlar va tanosil kasalligiga chalinganlar OIV virusiga chalinmagan bo’lsa ham ulardan donor sifatida qon olmaslik.
   

OIV virusini yuqtirganligini aniqlash bo’yicha tibbiy tekshiruv majburiy va ixtiyoriy tibbiy tekshiruvga bo’linadi.
OIV-virusini aniqlash bo’yicha majburiy tibbiy tekshiruvga quyidagilar kiradi:
Donorlar qoni, qon zardobi va boshqa biologik suyuqliklar, to’qima beruvchi donorlar;
OIV, OITS- virusi yuqish xavfi yuqori bo’lgan «Xavfli guruh»larga mansub bo’lgan shaxslar:

• 
  Giyohvand moddalarni qon tomiriga in’ektsiya orqali yuboruvchi giyohvandlar (aniqlanganda va keyin bir yilda 2-marta).
  
• 
  Gomo va bioseksualistlar (aniqlanganda va keyin bir yilda 2-marta).
  
• 
  Tartibsiz, ko’plab jinsiy aloqa qiluvchi shaxslar (bir yilda 1-marta).
  
• 
  Tergov izolyatorlariga, qabulxona-taqsimlash xonalariga (turar joyi, ish joyi noma’lumlar, havfli guruhga mansub) tushganlar (tushgan vaqtida 3-kun davomida).
  
• 
  Jazo hukmini o’tayotgan muassasadagilar (tergov izolyatoriga tushganda, bir yilda 1-marta va keyin ozodlikka chiqishdan oldin).
  
• 
  Jinsiy aloqa qilish yo’li bilan o’tadigan kasalliklar bilan kasallanganda (aniqlanganda va keyin bir yilda 1-marta).
  

OITS virusi blan ishlovchilar yoki OIV virusini yuqtirib olganlarni va OITS bemorlarini diagnostikasi, davolash hamda ularga bevosita xizmat qiluvchilarni (ishga kirganda va keyin yilda 1 marta).
Klinik ko’rsatmalari bo’lgan kasallar;
bir oydan ortiq isitmalovchilar;
bir oydan ortiq cho’ziluvchan diareyalar;
tana vaznining sababsiz 10% va undan ortiq yo’qotish;
uch oydan ortiq o’zoq cho’ziladigan limfoadenpatiya;
surunkali va qaytalovchi zotiljam yoki davolanganda natijasiz bo’lgan zotiljam;
jinsiy a’zolarining surunkali yallig’lanishi va davolanishiga qaramay natijasi bo’lmagan kasalliklar;
og’iz bo’shlig’i, tilning turli chaqalanish kasalliklari;
immun tizimining bo’zilishlari (T-xelperlarning kamayib ketishi);
diagnozi to’liq aniqlanmagan OITS OIV belgilariga o’xshash kasalliklar (davolvchi vrach tavsiyasi bilan).
OIV virusini yuqtirganligini aniqlash bo’yicha ixtiyoriy tibbiy tekshiruvga quyidagilar kiradi:
OIV infektsiyasiga tibbiy ko’rikdan o’tganlik haqidagi sertifikat O’zbekiston Respublikasiga 3 oydan ortiq muddatga kelayotgan xorijiy shaxsning yashash uchun fuqaroligi bor yoki yo’qligidan qat’iy nazar talab qilinadi. Ayrim hollarda, agar sertifikati bo’lmasa, respublika hududiga kirgan vaqtdan boshlab bir hafta ichida OIV virusiga tekshiriladi.
O’zbekiston fuqarolari, xorijiy fuqarolar va fuqaroligi bo’lmagan shaxslar o’z xohishlariga ko’ra OIV virusiga tekshiruvdan o’tishlari mumkin.
O’zbekiston va Qoraqalpog’iston Respublikalari, Toshkent shaqar hamda viloyatlar OITS Markazlari OIV infektsiyasiga tekshirilganligi haqida sertifikat berish huquqiga egadirlar (sertifikat 3 oy mobaynida yaroqli hisoblanadi).
OIV infektsiyasiga tekshirilganligi haqidagi sertifikat Davlat tilida va xalqaro (ingliz) tilida to’ldirilib sertifikat berayotgan tashkilot rahbarining imzosi va tashkilot muhri bilan tasdiqlanadi.
CHet elga ketayotgan O’zbekiston fuqarolariga, xorijiy fuqarolarga va fuqaroligi bo’lmagan shaxslarga sertifikat O’zbekiston Respublikasi Sog’liqni saqlash vazirligi tomonidan tasdiqlangan preyskurant asosidagi narx bilan Respublika OITS markazi hisob raqamiga pul o’tkazganlaridan so’ng beriladi.
Ushbu sanitariya qoida va me’yorlari joriy qilingandan so’ng OIV infektsiyasiga tekshirish va sertifikat berishga taaluqli bo’lgan avvalgi hujjatlar o’z kuchini yo’qotgan deb hisoblanadi.
YUqorida ko’rsatilgandan tashqari har bir O’zbekiston Respublikasi fuqarolari shuningdek O’zbekiston Respublikasi hududida yashayotgan yoki turgan chet el fuqarolari hamda fuqaroligi bo’lmagan shaxslar ismi sharifini sir saqlagan holda ixtiyoriy ravishda OITS kasalligini aniqlash maqsadida anonim tibbiy tekshirishdan o’tishi mumkin. SHu sababdan tibbiy muassasalarda hamda o’quv yurtlarida ishonch xonalari tashkil etiladi.
O’zbekiston Respublikasida OITS kasalligi va uning tarqalishiga qarshi qator tadbir choralar ko’rilmoqda.
O’zbekiston bo’yicha 14ta markaz tashkil etilgan. Ularning ishlarini Respublika OITS markazi tekshirib boradi. SHu markazlarga qarashli 82ta OITS laboratoriyalari bo’lib, ular qon quyish stantsiyalari, maslahat-aniqlash markazlari, shahar va tuman markaziy kasalxonalari, teri-tanosil dispanserlari, ilmiy-tadqiqot inistitutlarida ochilgan. Bundan tashqari 100ga yaqin ishonch xonalari mavjud.
Eng muhimi OITSning xavfli guruhlar orasidagi vakillarining qoni tibbiyot sohasida donorlik sifatida ishlatmaslik uchun qayta-qayta tekshiruvdan o’tkazish.
Agar biror kishining qoni zardobida OITS virusiga antitelolar borligi aniqlansa, ular keyingi hayotlari davomida virus tashuvchi bo’lib hisoblanadilar. Bunday kishilarda OITS kasalligi alomatlari bormi-yo’qmi bari-bir ular virus tarqalishi jihatidan xavflidirlar. Barcha virus tashuvchilariga OITS-ni boshqalarga yuqtirmaslik tug’risidagi oddiy tushunchalardan xabardor etish zarur.
OITSning oldini olish uchun turli yuqumli kasalliklarda bir marta ishlatiladigan tibbiy asboblar qo’llaniladi.
Amerikada R.Gallo, Solk, Frantsiyada Lyuk Montanie, Rossiyada akademik R.V.Petrov va uning shogirdlari vaktsina ishlab chiqarish ustidan ishlamoqdalar.
Kashf etilgan vaktsinalar tekshirilmoqda. Olimlarning ba’zilari vaktsinani odamlar ustida, boshqalari maymunda sinab ko’rmoqdalar. Ajab emas yaqin kelajakda yaxshi vaktsina topilar va hozircha butun kishilik jamiyatini xavotirga solgan muammo echilar. Ungacha Quydagi profilaktik chora tadbirlarga amal qilinishi kerak:
Tibbiyot muassasalari ichida kasallik tarqalib ketishining oldini olish;
Qon va qon preparatlarini qabul qilayotgan bemorlarda virus bilan zaharlanishning oldini oilsh tadbirlari;
Virus tashuvchilarni aniqlash maqsadida yoppasiga diagnostika tekshiruvidan o’tkazish;
Tibbiy muassisalar va o’quv yurtlarida shonch xonalarini tashkil etish;
Tibbiy xodimlarning virus bilan zaharlanishining oldini olish;
Muolaja postlarini aloxida aptechkalar bilan ta’minlash;
Tibbiyot muassasalarida ishonch xonalararo infektsiyalarni oldini olish tadbirlari.
Tomirdan giyoxvand moddalarni qabul qiluvchilar bilan alohida tushuntirish ishlarini olib borish;
Aholida seksual sohada tarbiyalash;
Aholi orasida ma’rifat ishlarini olib borish radio, televideniya, gazeta va jurnallar orqali axborot berish va infektsiyani havo tomchi, mayishiy ovqatlanish orqali yuqmasligini ta’kidlab o’tish.
Ananim murojat qilgan kishilar testlar yordamida tekshiriladi. Buning uchun har bir fuqaro viloyatlardagi OITS-markazlariga murojat etishlari mumkin. Markazga murojat qilganlar ismini yashirgan holda OITS kasaligiga tibbiyot tekshiruvidan o’tishlariga huquq beriladi. Agar biror kishida zararlanish aniqlansa va u shaxs mahalliy aholi orasida bo’lsa, yashab turgan joyidan ro’yxatdan ajratib doimiy ko’zatuvda bo’ladi. Xorijiydan kelgan bo’lsa o’z mamlakatiga qonun bo’yicha jo’natilib yuboriladi. Aniqlangan bemorlar OITS markazlarida davolanadilar. Davolanish vaqtida OITS infektsiyali giyohvand shaxslar bir marta ishlatiladigan shpritslar va dizenfektsiyalovchi moddalar bilan ta’minlanadilar. Umuman OITSning oldini olish chora tadbirlari tug’risida O’zbekiston Respublikasi S.S. Vazirligining va Vazirlar Mahkamasning buyruq va qarorlari hamda O’zbekiston Respubliksining OITSning oldini olish to’g’risidagi qonunida barcha chora tadbirlar ko’rsatilgan.
OITSning oldini olish to’g’risida 2000 yil 16 iyunda O’zbekiston Respublikasining yangi qonuni ishlab chiqildi.