Na2S2O3 + H2SO4 = [S] + SO2 + Na2SO4 + H2O 1.3. DISPERGATSIYA USULIDA KOLLOID ERITMALARINI OLISH Ishning maqsadi. Dispers sistemalarni olinishining peptizatsiya usullari bilan tanishish va kolloid eritmalarni keyingi tekshirishlar uchun tayyorlash.
Kerakli jixoz va reaktivlar. 300 ml.li stakanlar; probirkalar, shtativ, pipetka, ammoniy gidroksid, shisha tayoqcha, gaz gorelkasi yoki plitka, FeCl3- eritmasi, 0.1n НСl; 20% li (NH4)2CO3, 1%-li АlСl3, K4[Fe(CN)6]-eritmasi, fil’tr qog’oz, Н2С2О4- eritmasi.
Ishning bajarilishi. 1. Temir (III) - gidroksid peptizatsiyasi. Stakanga 25 ml 2% li FeCl3 eritmasidan qo’shing, unga tomchilatib NН4ОН qo’shing, kolbadagi aralashmani chayqatib turing. Hosil bo’lgan cho’kmani tindiring, Agar cho’kma ustida suyuqlik shaffof bo’lsa NН4ОН qo’shishni to’xtating. Cho’kmani fil’trlab, dekontatsiyalab yuving. Cho’kmani takror yuvib toza stakanga oling, unga 40 ml toza suv solib bir «jinsli aralashma bo’lguncha chayqating. Bir jinsli aralashmani 3 ta probirkaga teng bo’ling. Birinchi kolbaga xech nima qo’shmay qoldiring. Ikkinchi kolbaga 5 tomchi HCl ning 0.1n eritmasidan qo’shing. Uchinchi kolbaga 50 tomchi FeCl3 ning 2% li eritmasidan qo’shing. Har bir probirkani yaxshilab chayqatib bir- necha soat qoldiring. Peptizatsiyani tezlashtirish uchun probirkani suv hammomida 40- 50°Sda 15-20 minut aralashtiring. Qaysi probirkada peptizatsiya ketishini kuzating.
Topshiriq.Tomchi usuli bilan zolning zaryadini aniqlang va mitsella tuzilishi sxemasini yozing. Zollarning rangini kuzating va yozib qo’ying.
2. Temir (III)- gidroksid zolini olish. FeCl3 ning to’yingan eritmasidan 1 ml. olib, uni distillangan suv bilan 10 ml gacha suyultiriladi va uning 1 ml.i ga aralashtirib turgan xolda 20% li (NH4)2CO3 eritmasidan qo’shing. Qizg’ish-qo’ng’ir Fe(OH)3 zoli hosil bulib, uning kolloid zarrachasi manfiy zaryadlangan bo’ladi.
FeCl3 ning to’yingan eritmasini laborant oldindan tayyorlab qo’yadi. (50 ml. distillangan suvga 50 g FeCl3 · 6H2O qo’shiladi.)
