Heyvanların çıxarılması zamanı mühafizəsi. Heyvanla-
rın çıxarılması radioaktiv tozların çökməsi ehtimalı yarandıqda
təhlükəsiz zonada yerləşdirilmə üçün icra edilir. Təhlükəsiz zo-
nada yerləşdirmə otlaq sahələri nəzərə alınmaqla aparılır. İri-
buynuzlu mal-qara üçün sutkalıq yerdəyişmə 25-30 km, qoyun-
lar üçün 15-20 km təşkil edir. Bu tədbirin icrası vaxtı heyvan-
darların vaxtında xəbərdar edilməsi əsas rol oynayır. Çıxarılma
marşrutu və yerləşdirilmə məkanı sübh vaxtı planlaşdırılır.
Heyvanların və quşların nüvə zəhərlənmə ocaqlarından xi-
las edilməsi. Nüvə zəhərlənmə ocaqlarındakı heyvandarlıq və
quşçuluq tikililərində X və DTİ böyük həcmli və qısa müddət
ərzində görünməsi tələb olunduğundan çox çətindir. Çətinlik
bir də ona görədir ki, əksər hallarda işlər dağılmış tikililərdə,
qatı tüstü və radioaktiv zəhərlənmə şəraitində aparılır. X və
DTİ həm yanğınların söndürülməsi, həm yanan və ya dağılmış
tikililərdən heyvanların çıxarılaraq təhlükəsiz yerlərə aparılma-
sından, həm heyvanlara təhlükəsiz yerlərdə ilkin baytarlıq kö-
məkliyinin göstərilməsindən, həm də yemin daşınması və elek-
trik təminatının bərpasını əhatə edir. Taxıl məhsulları saxlanan
anbar və tikililərdə də yanğının söndürülməsi vacibdir. Gecə
vaxtı X və DTİ-nin aparılması zamanı işıqlandırılma sistemi
normal işləməli, kəşfiyyat və müşahidə işləri təşkil edilməlidir.
X və DTİ görüldükdən sonra məhv olmuş heyvanlar ayrıl-
mış yerdə basdırılır, zəhərlənmiş heyvanlara yardım göstərilir.
