Bəs vulkan püskürmələrinə necə hazırlıqlı olmalı? İlk
növbədə vulkanların oyanması ehtimalı xəbərlərinə diqqət yeti-
rin, bu xəbərdarlıqlara etinasız yanaşmayın.Vulkana yaxın əra-
ziləri müvəqqəti tərk etmə sizi bir çox bəlalardan qurtarar. Belə
bir xəbər aldıqda bütün qapı və pəncərələri, tüstü bacalarını kip
bağlayın, avtomobilinizi qaraja qoyun, ev heyvanlarını bağlı
otaqlarda yerləşdirin. 3-5 günlük su, ərzaq, işıq və istilik mən-
bələri ilə özünüzü təchiz edin.
Vulkan püskürməsi sizi evdən kənarda haqlamışsa, başınızı
və bədəninizi yuxarıdan yağan daş və küldən qoruyun. Adətən
vulkan püskürmələri sel axınları ilə də müşayiət edilir, ona gö-
rə də yaxınlıqda olan çay sahillərindən və vulkan ətrafı dərə və
vadilərdən aralı durun, xilas olunmaq üçün daha hündür yerlər
axtarın.
Vulkan püskürməsi bitdikdən sonra da müəyyən qaydalara
riayət etmək lazımdır. Külə qarşı ağzınızı və burnunuzu sarğı
ilə bağlayın, qoruyucu eynək və paltarlar geyinin ki, yanmalara
məruz qalmayasınız. Vulkan püskürməsi nəticəsində yerə düş-
müş kül üzərindən avtomobil sürməyin: bu onun tez bir zaman-
da sıradan çıxmasına səbəb olar. Evinizin damını dərhal küldən
təmizləyin, əks halda külün ağırlığından yata və ev uça bilər.
