Agar tovarning talab va taklif jadvallari alohida berilgan bo’lsa, ularni bitta jadvalga yozib olish maqsadga muvofiq bo ‘ladi. Bu jadvaldan tovarning muvozanat narxini aniqlash uchun talab va taklif miqdorlari teng bo’lgan satrni topish kifoya. Biz ко’rayotgan jadvalda bu uchinchi satr bo’lib, tovar narxi 600 so’m bo’lganda, talab va taklif miqdorlari teng bo’lyapti. Demak, 600 so’m tovarning bozor narxi, ya’ni muvozanat narx bo’lib, bu holda tovarning muvozanat miqdori 4 donani tashkil qilyapti.
Agar davlat tomonidan tovarning narxi qat’iy 300 so’m qilib belgilansa, u holda taklif qilingan 2 birlik tovarning hammasi xaridorlar tomonidan tezda sotib olinib, bozorda 6 -2 = 4 birlik tovarga taqchillik vujudga keladi.
2. Muvozanat narxni talab va taklif jadvallari yordamida talab va taklif chiziqlariniqurish orqali aniqlash. Yuqoridagi jadval asosida talab chizig’ida yotgan nuqtalarni aniqlaymiz. Talab jadvalining birinchi satridagi 1200 va 0 sonlariga talab chizig’ining A(0; 1200) nuqtasi, ikkinchi satridagi 900 va 2 sonlariga talab chizig’ining B(2;900) nuqtasi mos keladi (C(4;600) va D(6;300) nuqtalari ham shunday topiladi). Bu nuqtalarning koordinata tekisligida o’rinlarini belgilaymiz. Ularni tutashtirib, talab chizig’ini hosil qilamiz. Xuddi shunga o’xshash taklif chizig’i ham quriladi. Agar bu grafiklar bitta koordinatalar tekisligida qurilsa, yon tomondagi shakl hosil bo’ladi. Bu grafiklarning kesishish nuqtasi muvozanat nuqtadir. Bizning holatda bu M nuqtadan iborat. Bu nuqtaning birinchi koordinatasi (absissasi) muvozanat miqdorni, ikkinchi koordinatasi (ordinatasi) muvozanat narxni anglatadi. Bu holda tovarning bozor narxi, ya’ni muvozanat narxi 600 so’mni, muvozanat miqdori esa 4 donani tashkil qiladi.
