Няшриййатын директору: Ислам ширинов
Yüklə 2,07 Mb. Pdf görüntüsü
|
|
Kazımov C.Ə. Geoloji
tədqiqatlarda riyazi metodların tətbiq edilməsi xüsusiyyətləri. – B.: Azərnəşr, 1984. – 183 s. 165 Kitabda geoloji kəşfiyyat işlərində, seysmilogiyada riyazi metodların tətbiqindən bəhs edilir. Burada əyani misallar neft yataqlarının geologiyası ilə əlaqədar tədqiqatlara əsasın verilmişdir. Kitab geologiya sahəsində tədqiqatlar aparan mütəxəssislər və eləcə də bu sahə üzrə təhsil alan tələbələr üçün nəzərdə tutulmuşdur. Sənədin səciyyələndirilməsi üsuluna görə annotasiyaların ikinci növü analitik annotasiyadır. Analitik annotasiya əsasən sənədin bir hissəsinə (fəslinə, bölməsinə, struktur vahidinə) verilir. Söhbət kitab və ya onun fəslindən ge- dərsə, analitik annotasiya o zaman verilir ki, tərtib edilən biblioqrafik vəsaitin mövzu istiqaməti ilə yalnız kitabın müəyyən fəsli və ya bölməsi uyğun gəlir. Məhz buna əsasən, analitik annotasiyanın əsas iki növü fərqləndirilir: a)sənədin müəyyən bir məzmununun aspektini açan, əks etdirən annotasiya: b) sənədin müəyyən bir hissəsinə, fəslinə , bölməsinə və s. verilən annotasiya. Sənədin səciyyələndirmə üsuluna görə annotasiyaların ayrıca bir növü olan qrup annotasiyası da xeyli maraq doğuran annotasiya növüdür. Qrup annotasiyasının da özünün yarımnövləri vardır. Qrup annotasiyaları hər hansı bir əlamətinə, ən çox məzmununa görə birləşən bir neçə sənədin ümumiləş- dirilmiş səviyyəsini verir. Qrup annotasiyasının üç əsas növü vardır ki, bunlar da aşağıdakılardır: a) bir və ya bir neçə müəllifin müstəqil əsərlərini (kitablarını və ya məqalələrini) səciyyələndirən annotasiya; b) vahid nəşriyyat forması ilə birləşən bir neçə əsəri səciyyələndirən (məsələn, elmi əsərlərin mövzu məcmuəsi) və məcmuənin mövzusunun ümu- miləşdirilməsindən ibarət olan annotasiya. Belə annotasiyanın vəzifəsi həm də məcmuənin bölmələrinin və ya ona daxil edilmiş əsərlərin sadalanmasından ibarətdir ki, belə sadalanma məcmuənin tərkibini açmağa imkan verir; c) bir əsərə verilmiş annotasiya hansı ki, bu annotasiyanın daxilində məzmunca və ya başqa əlamətə görə bu əsərlə bağlı digər əsər haqqında məlumat verilir. Qrup annotasiyasına yaxın olan janr kimi biblioqrafik vəsaitin hər hansı bir bölməsinə verilmiş giriş məqalələrini göstərmək olar. Belə məqalələrdə bölməyə daxil edilən əsərlər barədə ümumi məlumat verilir və onlar belə giriş məqalələri (qeydləri) xüsusilə də tövsiyə biblioqrafik vəsaitləri üçün səciyyəvidir. Bu məqalələrdə (qeydlərdə) vəsaitdə nəzərdən keçirilən sualın, problemin məğzi təhlil olunur, istifadəçiyə nəyi, necə, hansı ardıcıllıqla öyrənmək barədə tövsiyələr verilir.Həmin məqalələrin (qeydlərin) verilməsi biblioqrafı hər bir əsərə ayrıca annotasiya vermək zərurətindən azad edir. Deyilənlər sübut edir ki, annotasiyalar geniş növ müxtəlifliyinə malikdir və biblioqraf konkret vəziyyətdən, şəraitdən asılı olaraq annotasiyanın məqsədəmüvafiq növünü tətbiq edə bilər. 166 Annotasiya barədə yuxarıda bəhs edilənləri yekunlaşdıraraq onların əsas xüsusiyyətlərini aşağıdakı kimi qeyd etmək olar: 1. Annotasiya lakonik və konkret olmaqla və lazım gələrsə, burada rəqəmlərdən, adlardan, faktlardan istifadə edilməlidir; 2. Annotasiyanın dili sadə olmalıdır, qəliz sözlərdən, mürəkkəb budaq cümlələrindən istifadə edilməməlidir. Burada qeyd edilənlər sübut edir ki, biblioqafik mənbələrdə sənəd barədə informasiyanın əks olunması, onun səciyyələndirilməsi çox əhəmiyyətli bir işdir və burada annotasiyalaşdırma mərhələsinə xüsusi diqqət yetirilməlidir. Yüklə 2,07 Mb. Dostları ilə paylaş:
|