Kásiplik iskerliktiń ruwxıy tiykarları

Kásiplik iskerliktiń ruwxıy tiykarları.
Joba:
1. Pánniń maqseti hám wazıypası, obyekti hám predmeti.
2. Ruwxıylıqtıń mánis-mazmunı, sociallıq turmıstaǵı hám kásiplik iskerliktegi áhmiyeti.
3. Ruwxıylıqtı qáliplestiriwshi tiykarǵı faktorlar.
4. Miynet jámááti ruwxıylıǵınıń mánis-mazmunı hám onıń shaxs ruwxıylıǵı menen tıǵız baylanısı.

Tayanısh túsinikleri: kásip ruwxıylıǵı, úzliksiz mánawiy tárbiya, mánawiy tárbiya koncepciyası, ruwxıylıq, ruwxıylıqtı qáliplestiriwshi faktorlar, miynet jámááti ruwxıylıǵı, shaxs ruwxıylıǵı.

1. Pánniń maqseti hám wazıypası, obyekti hám predmeti.
«Kásip ruwxıylıǵı» pániniń joqarı bilimlendiriw sistemasınıń magistratura basqıshına engiziliwi Ózbekstan Respublikası Prezidentiniń 26-mart 2021-jıl sánesindegi PQ-5040-sanlı «Ruwxıylıq-aǵartıwshılıq jumıslar sistemasın túpkilikli jetilistiriw shara-ilajları haqqındaǵı» qararı tiykarında ámelge asırıldı.
Ózbekstan Respublikası Prezidentiniń Ruwxıylıq-aǵartıwshılıq jumıslar nátiyjeliligin arttırıw boyınsha qosımsha shara-ilajlar haqkındaǵı » 2019-jıl 3-maydaǵı PQ-4307-sanlı qararınıń orınlanıwın támiyinlew maqsetinde Ózbekstan Respublikası Ministrler Kabinetiniń 2019-jıl 31-dekabr` sánesindegi 1059-sanlı qararı menen «Úzliksiz mánawiy tárbiya koncepciyası» qabıl etildi.
Bul koncepciyada orta arnawlı kásip-óner hám joqarı bilimlendiriw mákemelerinde oqıwshı jaslardı mánawiy-ádep-ikramlılıq principrler tiykarında tárbiyalawda inabatqa alınıwı lazım bolǵan aspektler sıpatında tómendegiler kórsetilgen:
- sociallıq-gumanitar pánler, ruwxıylıq-agartıwshılıq ilajlar arqalı oqıwshı-jaslarda mánawiy tárbiya indikatorları hám kompetenciyaların qáliplestiriwge xızmet qılıwshı bilim, kónlikpe hám epliliklerdi tálim-tárbiya mazmunına sińdiriw hám olardı ámeliyatta qollana alıw imkaniyatın beriwshi ámeliy shınıǵıw, tapsırma hám pedagogikalıq jaǵdaylar menen bayıtıw;
- okıwshı-jaslarda zamanagóy bilimlerdi iyelew, mediamádeniyattı rawajlandırıw, aldıńǵı pedagogikalıq texnologiyalardı ámelge engiziw, shet el mámleketlerindegi aldıńǵı tájiriybelerdi úyreniwdi xoshametlew;
- kásiplik-mánawiy kónlikpelerin bekkemlew, ózin-ózi tárbiyalawǵa úyretiw;
- belsendi puqaralıq poziciyasın kúsheytiw;
- ilimiy, mánawiy-morallıq, siyasiy dúnyaqaras hám salamat diniy isenimdi qáliplestiriw;
- baxıtlı shańaraqlıq turmıs, perzent tárbiyası ushın zárúr bolǵan bilim, kónlikpe hám epliliklerdi qáliplestiriw;
- keleshekke isenim hám elimizde ámelge asırılıp atırǵan reformalarǵa qatnaslılıq sezimin kúsheytiw.
Usılardan kelip shıqqan halda pánniń maqseti hám wazıypaların tómendegishe belgiledik: