Şəkil 2. NAD+ və NADH- nin quruluşu
Trifosfopiridindinukleotid ilk dəfə alman alimi Varburq tərəfindən kəşf olunmuşdur. Tərkibində aktiv qrup kimi NAD və ya NADF olan fermentlərə piridin fermentləri də deyilir. Bu qrup fermentlər spirt və süd turşusu qıcqırmasında, tənəffüs və fotosintez proseslərində iştirak edir. Hal-hazırda 200-ə yaxın anaerob dehidrogenazalar mövcuddur. Onlar müxtəlif üzvi maddələri kataliz edir. Bəzi anaerob dehidrogenazalarla tanış olaq.Bəzi anaerob dehidrogenazaların tərkibində aktiv qrup kimi flavinmononukleotid (FMN) və flavinadenindinukleotid (FAD) də olur. Belə fermentlər ikikomponentli olub, flavin fermentləri adlanır. Ona görə ki, onların aktiv qruplarının tərkibində riboflavin, yəni B2-vitamini olur. Bu vitaminin fosfat efiri flavinmononukleotid adlanır. Onun əmələ gəlməsində dimetilizoaloksazin, ribitol spirti və fosfat turşusu iştirak edir. FMN-in fosfat turşusu, riboza və adeninlə birləşməsindən isə flavinadenindinukleotid əmələ gəlir. Qeyd etmək lazımdır ki, qida məhsullarında B2 vitamini sərbəst halda olmur, o yalnız birləşmiş şəkildə FMN və FAD-ın tərkibində olur. FMN-in və FAD-ın quruluşu aşağıdakı kimidir (şəkil 3):
Dostları ilə paylaş: |