L. A. Hacıyeva Tələbə: Məmmədkərimova Xəyalə

2. Əhalinin məşğulluğunun təmin edilməsi

Hər bir ölkənin regionlarının sosial-iqtisadi inkişaf səviyyəsində fərqlərin olması müşahidə edilir. Bunun nəticəsi olaraq isə regional əmək bazarı formalaşır. Əmək bazarı - bazar münasibətlərinin ən mürəkkəb tərkib hissəsidir, belə ki, o, digər bazarlardan fərqli olaraq insan amili ilə daha çox bağlıdır. Əmək bazarı digər bazarlardan daha çox sosial-iqtisadi prosesləri əks etdirməsilə fərqlənir. Əmək bazarının formalaşmasına və fəaliyyətinə təsir edən amillərin müxtəlifliyi ayrı-ayrı ölkələrin əmək bazarları arasında əhəmiyyətli fərqlərin yaranmasını və bu kateqoriyanın çoxluğunu şərtləndirir. Bu bazarın xüsusiyyəti burada mal və xidmət yerinə işçi qüvvəsinin alınıbsatılmasıdır. Bu bazar iş qüvvəsi ilə onu tələb edən şəxs arasındakı əlaqələri ehtiva edir. Əmək bazarının formalaşmasının qaynağı əhalidir. Onların müəyyən bir hissəsi əmək resursu olaraq nəzərə alınır. Əmək resurslarını iş qabiliyyətinə malik bütün insanlar təşkil edir. Əmək resurslarından verimli istifadə edilməsi insanların yaşayışının yaxşılaşdırılması , ishtehsalın artırılması və ümumi olaraq ölkə iqtisadiyyatının inkişaf etdirilməsi üçün vacibdir.