755) Mikrob koloniyası nədir?
A) Bir mikrob hüceyrəsindən inkişaf edən mikrob populyasiyasıdır
B) Qidalı mühit səthində eyni növlü mikrobun bir yerə yığılmış formasıdır (populyasiyası)
C) Qidalı mühitdə becərilən mikroorqanizmlərdir
D) Qidalı mühitdə hər hansı bir növə mənsub mikrobun yığılmasıdır
E) Bir neçə mənbədən alınmış eyni növlü mikrob kulturasıdır
Qidalı mühit səthində eyni növlü mikrobun bir yerə yığılmış forması (populyasiyası) mikrob koloniyası adlanır. Koloniyalar ölçüsünə görə 4 cür olur: Böyük (diametri 4-5mm), orta (2-4mm), kiçik (1-2mm) və cırtdan (diametri 1mm-dən kiçik). Koloniyanın forması – dairəvi, yarpaqşəkilli, girintili-çıxıntılı, nəlbəkişəkilli ola bilər. Səthinin xarakteri – hamar, qırışıq, quru, nəm, parlaq və s. olur. Hamar formalar “S” formalı, qırışıqlar “R” formalı koloniyalar adlanır.
Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair” Bakı. 1998. Səh. 81
756) Bakterioloji müayinə üçün götürülən müayinə materialı götürülən andan laboratoriyaya hansı müddətdə çatdırılmalıdır?
A) 1 saat
B) 5 saat
C) 2 saat
D) 4 saat
E) 3 saat
Müayinə materilarının seçilməsi, hansı orqanın zədələnməsindən, törədicinin bioloji xüsusiyyətlərindən asılıdır. Müayinə materialı steril alətlə götürülür, steril qablara yığılır. Hər bir qaba yalnız bir xəstənin hər hansı bir materialı götürülməli, üstündə günün tarixi, materialın adı və xəstənin familiyası qeyd olunmalıdır. Materialın düzgün yığılması və çatdırılması mikrobioloji müayinənin effektliyini təmin edir.
Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair” Bakı. 1998. Səh. 25
Dostları ilə paylaş: |
