Laborant ixtsası üzrə test sualları nümunələri Bölmə Kliniki laborator müayinə üsulları. 1 Laborant nəyi bacarmalıdır?

761) Maye qidalı mühitləri bərkitmək üçün ona nə əlavə edilir?
A) Öd

B) Şəkər

C) Qan

D) Pepton

E) Aqar-aqar

Aqar-aqar polisaxarid təbiətli maddə olub dəniz yosunlarından alınır. O, 45⁰C temperaturda maye, ondan aşağı temperaturda isə bərk olur. Aqardan bərkidici, yəni mühitə forma verici maddə kimi istifadə edirlər. Patogen mikrobların əksəriyyəti üçün optimal temperatur olan 37⁰C aqar-aqar bərk halda olur. Bu xassə onun səthində mikroorqanizmləri becərməyə imkan verir ki, ondan da bakterioloji təcrübədə geniş istifadə edilir.

Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair” Bakı. 1998. Səh. 65
762) Mikroorqanizmlərin morfologiyasını öyrənmək üçün hansı müayinə üsulu tətbiq edilir?
A) Mikroskopik

B) Mikrobioloji

C) Seroloji

D) Bioloji

E) Allergik

Mikroskopik üsulun köməyi ilə patoloji materialdan yaxma hazırlanır, boyanır, mikroskopiya edilir. Mikrobların morfologiyası müəyyən edilir. Eyni zamanda əlavə elementlər (məsələn: kapsula, spor, qamçı və s.) mikroskopik üsulla aşkar edilir.

Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair” Bakı. 1998. Səh. 8