442) Sidikdə pentozaları aşkar etmək üçün hansı keyfiyyət reaksiyasından və yaxud sınaqdan istifadə olunur?
A) Fol reaksiyası
B) Akrolein sınağı
C) Bial sınağı
D) Adamkeviç reaksiyası
E) Salkovski reaksiyası
Sağlam insanın sidiyində pentozalar aşkar olunmur. Xəstələrin sidiyində pentozaları aşkar etmək üçün orsin və üçxlorlu dəmirdən istifadə olunur. Pentozaları bu maddələr ilə turş mühitdə qızdırdıqda yaşıl-sarı rəngli birləşmələr əmələ gəlir. Bu sınağa Bial sınağı deyilir.
Ədəbiyyat: М.В.Ермолаев, Л.П.Ильичева. Биологическая химия. «Медицина», 1989 стр.251
443) Ekspress üsulu ilə sidikdə şəkəri təyin etdikdə hansı rəng şəkərin olmamasını göstərir?
A) Sarı-yaşıl
B) Darçınlı-qırmızı
C) Yaşıl
D) İntensiv qırmızı
E) Göy
Klinikada tez bir zamanda sidikdə şəkəri təyin edən üsullar böyük əhəmiyyət kəsb edir. Bunlardan biri şəkəri təyin edən ekpress üsuludur. Bu üsul şəkərin miqdarından asılı olaraq mis-sulfatla və natrium-karbonatla müxtəlif rəngli birləşmələr əmələ gətirdiyinə əsaslanır. Göy rəng şəkərin olmadığını, yaşıl-sarı -0,5% (41,6 mmol), yaşıl – 1% (83,2 mmol), şabalıdı-qırmızı – 2% qədərini (166,4 mmol), intensiv qırmızı – 2%-dən yuxarı olduğunu göstərir.
Ədəbiyyat: М.В.Ермолаев, Л.П.Ильичева. Биологическая химия. «Медицина», 1983 стр.252
Dostları ilə paylaş: |
