851) Damarların divarı neçə qatdan təşkil olunub?
A) Orta və xarici qatdan
B) Daxili, xarici qatdan
C) Daxili və orta qatdan
D) Daxili, orta, xarici qatdan
E) Orta qatdan
Qan-damar sisteminə arteriyalar, venalar, kapilyarlar, venulalar, arteriolovenulyar anastomozlar aiddir. Divarları 3 qatdan (qişadan) təşkil olunmuşdur.
1. Daxili qat 2. Orta qat 3. Xarici qat
Ədəbiyyat: О.В.Волкова, Ю.К.Елецкий. Основы гистологии с гистологической техникой.1982 səh 95-96 B.Qorxmazov, S.Əliyev. Histologiya. 1995 səh 164-169
852) Əsasən hansı qanyaradıcı üzvlərdə eritrositlər, qranulositlər və trombositlər yaranır?
A) Timus vəzində
B) Sümük iliyində
C) Limfa düyünlərində
D) Dalaqda
E) Qara ciyərdə
Qanyaradıcı orqanlara qırmızı sümük iliyi, dalaq, timus (çəngələbənzər vəzi), limfa düyünləri və həmçinin həzm traktının və s. orqanlarındakı limfotik follikullar aiddir. Qanyaradıcı və immunolji müdafiə orqanları mərkəzi və periferik orqanlarına ayrılır. Mərkəzi orqanlara: qırmızı sümük iliyi, timus vəzi; periferik orqanlara: dalaq, limfa düyünləri və s. aiddir. Sümük iliyində eritrositlər, qranulositlər, trombositlər, B-limfositlərin və T-limfositlərin sələfləri yaranır.
Ədəbiyyat: О.В.Волкова, Ю.К.Елецкий. Основы гистологии с гистологической техникой.1982 səh 98-99 B.Qorxmazov, S.Əliyev. Histologiya. 1995 səh 198-199
Dostları ilə paylaş: |
