Kurs “Hozirgi o‘zbek adabiy tili, “Tilshunoslikka kirish”, “Qadimgi turkiy til”, “O‘zbek tilining tarixiy grammatikasi”, “O‘zbek dialektologiyasi” fanlaridan o‘zlashtirilgan bilimlarga asoslanadi.
Fanning predmeti va mazmuni –“Sotsiolingvistika” kursi tilning ijtimoiy tabiati, til bilan jamiyatning o‘zaro bog‘likligi, lisoniy vaziyatlar, tilning funksional tasniflari, lisoniy qurilmalar, til siyosati va lisoniy vaziyatlar, sotsiolingvistikada savodxonlik masalalari haqida ma’lumotlarni o‘z ichiga oladi.
Fanni o‘qitishdan maqsad – Fanni o‘qitishning maqsadi tilning ijtimoiy tabiati, til bilan jamiyatning o‘zaro bog‘liqligi, lisoniy vaziyatlar, tilning funksional tasniflari, sotsiolingvistikada savodxonlik masalalari haqida ma’lumot berishdir.
Fanning vazifasi –Fanni o‘qitishning vazifalari – talabalarda “Sotsiolingvistika” fanining vujudga kelishi va rivojlanishi bo‘yicha bilimlarni shakllantirish va mustahkamlash; talabalarda sotsiolingvistika bo‘yicha boshlang‘ich bilimlarni shakllantirish; sotsiolingvistika fanining tarixi haqida bilim berishdan iborat.
Sotsiolingvistika” fanini o‘zlashtirish jarayonida amalga oshiriladigan masalalar doirasida bakalavr:
-tilning ijtimoiy mohiyati, til va jamiyat munosabati, lisoniy vaziyat va uning turlari, bilingvizm va uning turlari kabi masalalarini tahlil qilishni bilishi kerak; - Sotsiolingvistikaning nazariy masalalari, til ontologiyasi, tilning funksional tasniflari, lisoniy qurilmalar kabi masalalarni tahlil qilish ko‘nikmalariga ega bo‘lishi kerak;
- “Sotsiolingvistika”ning til bilan jamiyatning o‘zaro bog‘liqligiga oid nazariy va amaliy masalalarni hal qilishdagi asosiy fan sifatidagi ahamiyatini asoslash, sotsiolingvistik metodlarini amalda tatbiq qilish malakalariga ega bo‘lishi kerak.