Lim vazirligi samarqand davlat universiteti b. Sh. Safarov, I. I. Ayubov

24-MAVZU: TADBIRKORLIK FAOLIYATINING AYRIM 
TURLARI UCHUN QAT
’
IY BELGILANGAN SOLIQLAR 
 
Reja: 
1. Qat’iy belgilangan soliqni to‘lovchilar tarkibi, soliqqa tortish 
obyekti va soliq solinadigan baza.
2. Qat’iy belgilangan soliq stavkalari, hisoblash va to‘lash tartibi. 
3. Yakka tartibdagi tadbirkorlar tomonidan qat’iy belgilangan 
soliqni qo‘llashning o‘ziga xos xususiyatlari. 
Kalit so‘zlar: 
yer qa’ridan foydalanuvchi, aksiz solig‘i, davlat 
boji, avtotransport vositalari va Respublika yo‘l jamg‘armasi.
 
 
Mashg‘ulotning maqsadi:
Realizatsiya qilishdan olingan 
tushumi belgilangan miqdordan oshmaydigan yakka tartibdagi 
tadbirkorlar va boshqa soliq to‘lovchilari qat’iy belgilangan solig‘iga 
torilishi haqida tushuncha berish. 
O‘qitish vositalari: 
yozuv doskasi, turli plakatlar, taqdimot 
materiallari, tarqatma materiallar, videoproyektor. Ilmiy adabiyotlar: 
darslik, o‘quv qo‘llanma, statistik ma’lumotlar, uslubiy qo‘llanma va 
shu kabilar.
O‘qitish usullari: 
Talabalarni ma’ruza materiallari bilan ta-
nishtirish, suhbat, mavzuni nazariy yoritish, savollarga javob berish. 
O‘qitishning zamonaviy pedagogik texnologiyalarini qo‘llash: aqliy 
hujum, taqdimot. 
1. Qat
’
iy belgilangan soliqni to‘lovchilar tarkibi, soliqqa tortish 
obyekti va soliq solinadigan baza 
 
Belgilangan tartibda ro‘yxatdan o‘tgan va yuridik shaxs tashkil 
etmagan holda tadbirkorlik faoliyatini amalga oshiradigan jismoniy 
shaxs yakka tartibdagi tadbirkor hisoblanadi. 
Yuridik shaxs tashkil etmagan holda tadbirkorlik faoliyatini 
amalga oshiruvchi, biroq yakka tartibdagi tadbirkor sifatida ro‘yxat-
dan o‘tmagan jismoniy shaxslarga soliq solish va ularga nisbatan 
javobgarlik choralarini qo‘llash maqsadida yakka tartibdagi tadbirkor 
sifatida qaraladi. 

---

428 
Yakka tartibdagi tadbirkorlarning soliq bazasi bo‘lib Soliq 
kodeksini 463-moddasiga muvofiq hisoblab chiqilgan, uning 
tadbirkorlik faoliyati doirasida olingan jami daromadi hisoblanadi. 
Jismoniy shaxs o‘z tadbirkorlik faoliyati bilan bog‘liq 
bitimlarni tuzishda o‘zining yakka tartibdagi tadbirkor sifatida 
faoliyat ko‘rsatayotganligini, agar bu bitimlarni tuzish holatining 
o‘zidan yaqqol kelib chiqmasa, ko‘rsatishi shart. 
Soliq solishda yakka tartibdagi tadbirkorning jismoniy shaxslar-
dan olinadigan daromad solig‘i solinadigan, uning tadbirkorlikni amalga 
oshirish bilan bog‘liq bo‘lmagan shaxsiy (oilaviy) mol-mulkini 
sotishdan olingan daromadlari hisobga olinmaydi.