M aqolani qayta chop etish O'zbekiston Respublikasi qonunchiligiga muvofiq qat'iyan taqiqlanadi!

Maqolani qayta chop etish O'zbekiston Respublikasi qonunchiligiga muvofiq qat'iyan taqiqlanadi!


O vulyasiya o'z vaqtida, kechikib yoki oldinroq sodir bo'lishi mumkin. Odatda o'z vaqtida keladigan ovulyasiyada homilador bo'lish muammosi bo'lmaydi (agar erkak sog'lom bo'lsa). Lekin kechikkan va erta sodir bo'ladigan ovulyatsiya ba'zida homilador bo'lishga qiyinchilik yaratib berishi mumkin.
Erta ovulyasiya
Erta sodir bo'lgan ovulyasiyaga tuxum hujayrasini follikuladanhayz siklining o'rtasida emas, balki oldinroq ajralib chiqishiga aytiladi. Bunga quyidagilar sabab bo'lishi mumkin:

• 
  intensiv jinsiy aloqa;
  
• 
  jismoniy kuchanish (og'ir ko'tarish, og'ir jismoniy mashg'ulotlar);
  
• 
  stress;
  
• 
  dieta;
  
• 
  kasalliklar;
  
• 
  gormonal holatning buzilishi.
  

Agar ayolda hayz siklining o'zi notog'ri bo'lsa, u holda ovulyatsiya erta yo kech kelishini aniq aytib bo'lmaydi. Bu holat organizmda gormonal buzilish ro'y berganligidan dalolat beradi.
Hatto ozish, qattiq siqilish, ba'zi kasalliklar ham ovulyatsiya erta o'tishiga sababchi bo'lishi mumkinligi tufayli, ko'pchilik ayollarda erta ovulyasiya yuz berib turadi.
Kechki ovulyasiya
Ba'zida organizmdagi gormonal holatning buzilishi natijasida ovulyasiya o'z vaqtidan kechroq sodir bo'ladi. Shunday holatlarda ovulyatsiyani aniq tutib olish uchun ultra tovushli diagnostikadan foydalansa bo'ladi.

Ovulyatsiya bo'lmasligi (anovulyatsiya)


Maqolani qayta chop etish O'zbekiston Respublikasi qonunchiligiga muvofiq qat'iyan taqiqlanadi!

Homilador bo'lish ovulyatsiya bo'lishiga bevosita bog'liq bo'lgani uchun ovulyatsiya bo'lmasligi homilador bo'lishga to'sqinlik qiladi. 

Lekin sog'lom ayolda ham 1 yil mobaynida normada 2-3 hayzsikli ovulyatsiyasiz o'tadi. Yoshi katta bo'lgan sari shunday ovulyatsiyasiz hayz sikllari ko'payaveradi.
Agar yilda 4 va undan ko'p hayz sikli ovulyatsiyasiz bo'lsa, u holda ginekologga uchrash talab etiladi. Ba'zida ovulyatsiya bo'lmasligi endokrin yoki ginekologik kasallliklar mavjudligidan dalolat berishi mumkin. 
Ovulyatsiya qaysi hollarda bo'lmaydi:

• 
  Homiladorlikda;
  
• 
  Klimaksda;
  
• 
  Ayol organizmi gormonal holatining buzilishida (bu holatga stress ham sababchi bo'lishi mumkin);
  
• 
  Ba'zi dori vositalarni qabul qilish natijasida.
  

Homilador bo'lishning tabiiy usullari yordam bermaganda, ovulyatsiyani qo'zg'atish yo'li qo'llaniladi. Ma'lum bir dori vositasi yordamida, shifokor nazorati ostida ovulyatsiya sun'iy ravishda keltiriladi. Bu jarayonni uy sharoitida shifokor nazoratisiz amalga oshirish mumkin emas.