|
Həqiqi əxlaq və ağıllı siyasət arasında daxili və hərtərəfli əlaqənin qeyri-şərtsiz əxlaqi başlanğıcını qurmaq - əxlaq fəlsəfənin xüsusi siyasətə başlıca iddiası budur. Ağıllı siyasətçi bütün öz siyasi və ictimai qərarlarını və fəaliyyətlərini əxlaq normalarına uyğunlaşdırmağı öz vəzifəsi hesab edir.
Siyasi təlimlər tarixində təkrarlanan bir fikrə: - siyasət - çirkli işdir – deyiminə də münasibət bildirmək maraqlı olardı. Makiavellinin fıkrincə, dövlət əxlaqı ayrıca adamın əxlaqından fərqlənir və öz kürsüsünü qorumaq istəyən hökmdar yaxşı olmasa da yeri gələndə belə görünməyi bacarmalıdır və ya şəraitə uyğun olaraq belə görünməməlidir.
Mütəfəkkirlər siyasi və əxlaqi meyarları bir-birindən fərqləndirirdilər. Siyasi xadimlərin həyat yolunu izləyən hər kəs görür ki, bu xidmət üçün həm intellektual, həm də əxlaqi hazırlıq vacibdir: siyasət - ən incə, dərin, mürəkkəb və ən başlıcası isə ən məsuliyyətli fəaliyyət növüdür. Bəzən belə yanlış təsəvvür yaranır ki, siyasət kimi incə bir iş üçün yalnız zirəklik, təşəbbüskarlıq, inadkarlıq, əldən çevik olmaq və yaxşı dil lazımdır.
Dostları ilə paylaş: |
