MaiLİ İSTİqaməTLƏNMİŞ quyularin səMƏRƏLİ İSTİsmarini təMİn edən profiLLƏRİn və yeni texnoloji optimallaşdirma təDBİRLƏRİNİN
Yüklə 1,03 Mb. Pdf görüntüsü
|
|
Q,
sm 3 /san h/ ∆h+ 1 31 Tədqiqatların nəticələrinin təhlili göstərmişdir ki, bütün hallarda işçi agentin verilmə tezliyi artdıqca maye sərfinin və psevdaşişmə qatının hündürlüyü əvvəlcə artmağa başlayır və maksimum qiymət aldıqdan sonra azalır. Həmçinin bütün hallarda həm maye sərfinin, həm də qumun qalxma hündürlüyünün maksimum qiyməti əyilmə bucağının 30 0 qiymətinə təsadüf etmişdir. Beləliklə, müəyyən edilmişdir ki, qazın verilməsinin elə tezliyi var ki, bu zaman maye sərfi və qumun psevdaşişmə hündürlüyü maksimum həddə çatır. Eyni zamanda, psevdaşişmənin nisbi hündürlüyünün maksimal qiyməti ilə əyilmə bucağı arasında asılılıqdan məlum olmuşdur ki, bu halda da əyilmə bucağı artdıqca psevdaşişmə qatının nisbi hündürlüyünün maksimal qiyməti artmağa başlayır və maksimum qiymətə çatdıqdan sonra azalır. Bununla yanaşı, psevdaşişmənin nisbi hündürlüyünün maksimal qiyməti əyilmə bucağının 30 0 qiymətinə uyğun gəlir. Həmçinin, müəyyən edilmişdir ki, maksimum maye sərfi psevdaşişmənin nisbi hündürlüyünün maksimal qiymətinə uyğundur. Bu onunla izah edilir ki, qum dənəcikləri mayedə elə vəziyyət alır ki, bu zaman maye axınına göstərilən müqavimət ən az olur, bununla da qum təbəqəsinin keçiriciliyi və məsaməliliyi artır. Eyni zamanda, maye sərfinin maksimal qiyməti ilə liftin əyilmə bucağı arasındakı asılılıq da maksimumun α = 30 0 qiymətinə uyğun olduğunu göstərir. Aparılan eksperimentlərin nəticəsinə əsasən maili istiqamətlənmiş hasilat quyularının iş rejimini tənzimləmək imkanı yaranmışdır. Alınan nəticələrdən istifadə edərək işçi agentin quyuya verilmə şəraitini tənzimləməklə quyu lüləsinin süzgəc hissəsində qumun çökərək tıxac əmələ gətirməsinin qarşısını almaq mümkün olmuşdur. Nəticələr göstərmişdir ki, qum dənələrinin quyu lüləsində uzun müddət asılı vəziyyətdə qalması (çökməməsi) üçün ən yaxşı şərait işçi agenti quyuya fasilələrlə verdikdə yaranır. Bundan əlavə, qum təzahürlü quyuların istismarında qazın fasilələrlə verilməsi psevdaşişmə qatının strukturunu yaxşılaşdırmaqla yanaşı, eyni zamanda liftin məhsuldarlığının yüksəlməsinə səbəb olur və bütün hallarda işçi agentin sərfinin azalması müşahidə olunur. 32 Neft Daşları yatağınında tətbiq edilən bu texnologiya işçi agentin fasilələrlə verilməsinin qaz xəttini açıb-bağlamaq yolu ilə həyata keçirilməsinə əsaslanır. Maili istiqamətlənmiş qazlift quyularının həlqəvi fəzasına işçi agentin fasilələrlə verilməsi nəticəsində başmaqla lülənin süzgəc hissəsi arasında yerləşən qum tərkibli qaz-maye qarışığına dalğalarla təsir baş verir. Bununla da maksimum qum tıxacı yığılan zonaya rəqsi təsir prosesi təmin edilir. Qumlu qaz-maye qarışığına bu cür təsir qum dənəciklərinin birləşərək sıxlaşmasına imkan vermir və onun mayedə asılı vəziyyətdə qalmasına şərait yaradır, nəticədə qum təzahürlü quyunun normal işi təmin olunur. Yüklə 1,03 Mb. Dostları ilə paylaş:
|