Maktabgacha ta’limda texnologik jarayonlarni loyihalashtirish bosqichlari. Reja

Yangilik pedagogik yangilik me’yori sifatida o’zida taklif qilinadigan yangini, yangilik darajasi mohiyatini aks ettiradi. Pedagog olimlar yangilikning qo’llanish mashhurligi darajasi va sohasiga ko’ra farqlanadigan mutlaq, chegaralangan mutlaq, shartli, sub’ektiv darajalarini farqlaydilar.
Maqbullik me’yori tarbiyachi va talabaning natijaga erishish uchun sarflangan kuch va vositalarini bildiradi.
Natijalilik tarbiyachi faoliyatidagi muayyan muhim ijobiy natijalarni bildiradi.
Pedagogik yangilik o’z mohiyatiga ko’ra ommaviy tajribalar mulki bo’lib qolishi lozim. Pedagogika yangilikni dastlab ayrim ¢qituvchilarning faoliyatiga olib kiriladi. Keyingi bosqichda - sinalgandan va ob’ektiv baho olgandan so’ng pedagogik yangilik ommaviy tatbiq etishga tavsiya etiladi.
Tarbiyachining innovatsion faoliyati o’z ichiga yangilikni tahlil qilish va unga baho berish, kelgusidagi harakatlarning maqsadi va kontseptsiyasini shakllantirish, ushbu rejani amalga oshirish va tahrir qilish, samaradorlikka baho berishni qamrab oladi.
Innovatsion faoliyatning samaradorligi pedagog shaxsiyati bilan belgilanadi.
V.A.Slastenin tadqiqotlarida tarbiyachining innovatsion faoliyatga bo’lgan qobiliyatlarining asosiy xislatlari belgilab berilgan. Unga quyidagi xislatlar taalluqli:

• 
  shaxsning ijodiy-motivatsion yo’nalganligi. Bu - qiziquvchanlik, ijodiy qiziqish; ijodiy yutuqlarga intil ish; peshqadamlikka intilish; o’z kamolotiga intilish va boshqalar;
  
• 
  kreativlik. Bu – hayolot (fantastlik), faraz; qoliplardan holi bo’lish, tavakkal qilish, tanqidiy fikrlash, baho bera olish qobiliyati, o’zicha mushohada yuritish, refleksiya;
  
• 
  kasbiy faoliyatni baholash. Bu - ijodiy faoliyat metodologiyasini egallash qobiliyati; pedagogik tadqiqot metodlarini egallash qobiliyati; mualliflik kontseptsiyasi faoliyat texnologiyasini yaratish qobiliyati, ziddiyatni ijodiy bartaraf qilish qobiliyati; ijodiy faoliyatda hamkorlik va o’zaro yordam berish qobiliyati va boshqalar;
  
• 
  tarbiyachining individual qobiliyati. Bu - ijodiy faoliyat sur’ati; shaxsning ijodiy faoliyatdagi ish qobiliyati; qat’iyatlik, o’ziga ishonch; mas’uliyatlilik, halollik, haqiqatgo’ylik, o’zini tuta bilish va boshqalar.
  

Innovatsion faoliyat tadqiqotlari tarbiyachining innovatsion faoliyatga hozirligi me’yorlarini belgilashga imkon berdi (V.A. Slastenin):

• 
  innovatsion foliyatga bo’lgan zaruriyatni anglash;
  
• 
  ijodiy faoliyatga jalb qilinishiga shaylik;
  
• 
  shaxsiy maqsadlarni innovatsion faoliyat bilan moslashtirish;
  
• 
  ijodiy muvaffaqiyatsizliklarni engishga shaylik;
  
• 
  innovatsion faoliyatni ijro etish uchun texnologik shaylik darajasi;
  
• 
  innovatsion faoliyatning kasbiy mustaqillikka ta’siri;
  
• 
  kasbiy refleksiyaga bo’lgan qobiliyat.
  

Oliy maktabdagi innovatsiya jarayonlari xarakteri kiritilgan yangiliklar xususiyatlari, tarbiyachilarning kasbiy imkoniyatlari, yangilik kiritish tashabbuskorlari va ishtirokchilarining innovatsion faoliyatlari xususiyatlari bilan belgilanadi.
Innovatsion faoliyatda eng muhim masalalardan biri-tarbiyachi shaxsidir.
Tarbiyachi-novator sermahsul ijodiy shaxs bo’lishi, kreativlikni, keng qamrovli qiziqish va mashg’ullikni, ichki dunyosi boy, pedagogik yangiliklarga ¢ch bo’lishi lozim.
Tarbiyachini innovatsion faoliyatga tayyorlash ikki yo’nalishda amalga oshirilishi lozim:

• 
  yangilikni idrok qilishga innovatsion shaylikni shakllantirish;
  
• 
  yangicha harakat qila olishga o’rgatish.
  

Innovatsion faoliyatni tashkil etishda talabalarning o’quv-bilish faoliyati va uni boshqarish alohida ahamiyatga ega.
Innovatsiya jarayonlari, ularning funktsiyalari, rivojlanish qonuniyatlari, mexanizmlari va uni amalga oshirish texnologiyalari, boshqarish tamoyillarining pedagogik asoslarini o’rganish oliy maktab o’quv jarayonini zamonaviy pedagogika hamda psixologiya fanlari yutuqlari asosida jahon standartlari darajasida tashkil etish imkonini beradi.