Maktabgacha va maktab

4x10 m mokisimon yugurish. Oʻquvchilar 10 metrga 4-marta yuguradilar. Yugurish yuqori startdan boshlanadi, 10 metr yugurib, qoʻlingizni chiziqqa tekkizib qaytish. Marra chizigʻidan tez yugurib oʻtish kerak.
1000, 2000 metrga yugurish.Yugurish tekis maydonda olib boriladi. Yugurish vaqtida toʻgʻri nafas olib chiqarish va yugurish qoida texnikasiga ahamiyat qaratiladi. Yugurish yuqori startdan amalga oshiriladi. Vaqt 1 soniyagacha aniq oʻlchanadi. 6 daqiqa yugurganda, oʻrta meʼyorda yugurish lozim.
Argʻamchida sakrash. Argʻamchini 1 daqiqa davomida ikki oyoqda sakrash orqali bajariladi. Sakrash jarayonida oyoq hamda boshqa tana aʼzolari tegib sakrash majburan toʻxtab qolsa, imtihon topshiruvchi vaqt tugagunga qadar hisobni davom ettiradi. Umumiy sakrash hisobi bayonnomaga yoziladi.
Baland turnikda osilib tortilish. Qoʻllar toʻgʻri osilib turgan holatdan (oyoqlar yerga tegmaydi) iyakni toʻgʻrisigacha tortiladi. Qoʻl tirsaklari toʻliq uzatilgan holda gavda yana pastga tushiriladi. Osilib tortilishda, gavda har tomonlarga harakatlanishi, oyoqlarni bukib koʻtarib tortilishlar hamda iyakgacha bajarilmaganlari hisobga kirmaydi. Toʻgʻri tortilishlar soni bayonnomaga yoziladi.
Yotgan holatda gavdani 90⁰ ga koʻtarish. D.h–chalqancha yotish (gimnastika matida) – oyoqlar uzatilgan, qoʻllar bosh orqasida, barmoqlar bir-biriga qulf qilingan holatda. Yordamchi oʻquvchi imtihon topshiruvchining oyoq yuzasini polga bosib turadi. Imtihon topshiruvchi bir tekis koʻtarilib tizzaga qoʻl bilaklarini tekkazadi. Orqaga harakatlanib qaytishda gimnastika matiga yelkalar toʻliq tegishi lozim. 30 soniya davomida koʻtarilish hisobi natijalari bayonnomaga yoziladi.
Basketbol. Imtihon topshiruvchi toʻpni koʻkrakdan halqaga jarima chizigʻidan tashlaydi. 8 ta imkoniyatdan aniq tushirilgan toʻplar soni hisobga olinadi.
Voleybol. Oʻquvchilar toʻpni yuqoridan yoki pastdan belgilangan nuqtaga toʻgʻri yoʻnaltirish (podacha). Masalan: oʻqituvchi tomonidan (gardish yordamida) maxsus belgilagan maydon zonalariga toʻpni aniq yoʻnaltirish kerak. Voleybol toʻpini ikki qoʻlda yuqoridan va pastdan oʻz-oʻziga oshirish.
Qoʻl toʻpi. Toʻpni yerga urib olib yurish 30 metr masofagacha bajariladi. Bunda o‘quvchining texnikasiga ahamiyat qaratiladi. Natija 0,1 soniyagacha aniqlanadi.