13.3.AZƏRBAYCAN RESPUBLİKASINDA MALIYYƏ BAZARININ YARANMASI
VƏ İNKİİAFI
Azərbaycan Respublikasında maliyyə bazarı artıq 1995-ci ildə tam formalaşmışdır.
2011-ci ildə artıq ölkəmizdə 6 birja fəaliyyət göstərmişdir ki, fond qiymətlilərinin bütün
növləri üzrə onların dövrüyyəsi 9439.7 mln. manat təşkil etmişdir. İndi ölkəmizdə xeyli
sayda səhmdar cəmiyyətləri, sahələr və regionlar arasında kapitalın axınını təmin edən
kommersiya bankları, siğorta kompaniyaları, kredit ittifaqları, investisiya fondları fəaliyyət
göstərir.
1998-ci ildən başlayaraq Azərbaycan Respublikasının maliyyə bazarında kəmiyyət və
keyfiyyət baxımından ciddi dəyişikliklər baş vermişdir. Maliyyə resurslarının alıcıları
sırasında müəssisə və təşkilatların payı artmağa, dövlətin payı isə azalmağa başlamışdır. Cəlb
edilən vəsaitlərin dəyərinin nisbətən azaldılması sayəsində onların əldə edilməsi çoxsaylı
müəssisələr üçün mümkün olmuşdur. Lakin hal-hazırda da Azərbaycan maliyyə bazarı
inkişaf etməkdə (formalaşmaqda) olan maliyyə qrupuna aiddir.
