Xüsusi səlahiyyətli dövlət idarəçilik orqanlarından Azərbаycаn Rеspublikаsı Vergilər Nazirliyi mühüm rola malikdir. AR Vergilər Nazirliyi AR Prezidentinin 2000-ci
il 11 fevral tarixli Fərmanı ilə yaradılmışdır. Onun əzifələri və funksiyaları aşagıdakılardan
ibarətdir.
AR Vergilər Nazirliyi vergilərin toplanmasını həyata keçirən mərkəzləşdirilmiş dövlət
orqanıdır. Onun vəzifələri və funksiyalarınа аiddir: Vergi qanunvericiliyinə və digər
ödənişlərin büdcəyə keçirilməsi qaydalarına əməl olunmasına nəzarətin həyata keçirilməsi;
vergilərin vaxtında və tam olaraq büdcəyə keçirilməsinin təmin olunması; respublika
vətəndaşlarının, xarici vətəndaşların və vətəndaşlığı olmayan şəxslərin ödənişlərinin düzgün
hesablanması; vergi ödəyicilərinin mühasibat hesabat və balanslarının, vergi
hesablaşmalarının və digər sənədlərin vaxtında təqdim olunmasına nəzarət edilməsi; müvafiq
icra orqanları, hüquq-mühafizə və maliyyə orqanları ilə qarşılıqlı əlaqənin təmin edilməsi;
Qanunvericilikdə nəzərdə tutulmuş qaydada müxtəlif maliyyə sanksiyaları tətbiqinin
düzgünlüyünün təmin olunması; Vergi ödəyicilərinin hesablanması (ərazi, vergi formaları,
fəaliyyət sahələri üzrə). vergilərin daxil olmasının hesablanması; vergi daxil olması
dinamikasının təhlil edilməsi; vergilərin daxil olması haqqında hakimiyyət orqanlarına
məlumat verilməsi; vergi ödəyicilərinə qanunvericilik məsələləri haqqında məlumat
verilməsi.
