167-modda. Videoyozuvli kassetalarni sotish va video muassasalarning ishlash qoidalarini buzish Ekspert komissiyasi baholamagan videoyozuvli kassetalarni sotish —
video kassetalarni musodara qilib, eng kam ish haqining bir baravaridan uch baravarigacha miqdorda jarima solishga sabab bo’ladi.
Tegishli ruxsat olmay turib video muassasalarni (videoyozuvli kassetalarni ijaraga berish punktlari, videozallar, kabelь televideniesi studiyalarini) ochish yoki bunday muassasalarni yopish to’g’risida qaror qabul qilinganidan keyin ham ularning faoliyatni davom ettirishi —
fuqarolarga eng kam ish haqining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab bo’ladi.
Video muassasalarda ekspert komissiyasi baholamagan videoyozuvli kassetalardan foydalanish —
videoyozuvli kassetalarni musodara qilib, eng kam ish haqining ikki baravaridan besh baravarigacha miqdorda jarima solishga sabab bo’ladi.
Ushbu moddaning birinchi, ikkinchi yoki uchinchi qismlarida nazarda tutilgan huquqbuzarliklar ma’muriy jazo chorasi qo’llanilganidan keyin bir yil davomida takror sodir etilgan bo’lsa, —
videoyozuvli kassetalarni va video apparaturani musodara qilib, fuqarolarga eng kam ish haqining besh baravari miqdorida, mansabdor shaxslarga esa — besh baravaridan o’n baravarigacha miqdorda jarima solishga sabab bo’ladi.
[ОКОЗ:
1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.16.00 Савдо қоидаларини бузганлик учун жавобгарлик]
168-modda. Bozorlarda savdo qilish qoidalarini buzish Bozorlarda savdo qilish qoidalarini buzish —
fuqarolarga eng kam ish haqining o’ndan bir qismi, mansabdor shaxslarga esa — ikkidan bir qismi miqdorida jarima solishga sabab bo’ladi.
[ОКОЗ:
1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.16.00 Савдо қоидаларини бузганлик учун жавобгарлик]
