Ma’muriy amaliyotni tashkil etish fanining taqsimlanishi dasturning mazmuni

176¹-modda. Shartnoma intizomini buzish
Shartnoma majburiyatlarini bajarmaslik yoki lozim darajada bajarmaslik oqibatida xo’jalik yurituvchi subyektlarga mulkiy zarar yetkazish —
mansabdor shaxslarga eng kam ish haqining o’n baravaridan o’n besh baravarigacha miqdorda jarima solishga sabab bo’ladi.

[ОКОЗ:

1.09.00.00.00 Тадбиркорлик ва хўжалик фаолияти / 09.01.00.00 Тадбиркорлик тўғрисидаги қонунчилик / 09.01.11.00 Тадбиркорлик тўғрисидаги қонун ҳужжатларини бузганлик учун жавобгарлик]

176²-modda. Xo’jalik yurituvchi subyektning manzili, bank rekvizitlari o’zgarganligi yoki qayta ro’yxatdan o’tganligi to’g’risidagi ma’lumotlarni taqdim etmaslik yoki yolg’on ma’lumotlarni taqdim etish
Xo’jalik yurituvchi subyekt tomonidan pochta manzili (joylashgan yeri), bank rekvizitlari o’zgarganligi to’g’risidagi yoki o’zi qayta ro’yxatdan o’tganligi to’g’risidagi ma’lumotlarni o’n kunlik muddat ichida vakolatli davlat organlariga taqdim etmaslik yoxud yolg’on ma’lumotlarni taqdim etish—
mansabdor shaxslarga eng kam ish haqining o’n baravaridan o’n besh baravarigacha miqdorda jarima solishga sabab bo’ladi.

[ОКОЗ:

1.09.00.00.00 Тадбиркорлик ва хўжалик фаолияти / 09.01.00.00 Тадбиркорлик тўғрисидаги қонунчилик / 09.01.11.00 Тадбиркорлик тўғрисидаги қонун ҳужжатларини бузганлик учун жавобгарлик]
176³-modda. Avtomobilь transportida yo’lovchilar tashish faoliyati bilan litsenziyasiz shug’ullanish
Avtomobil transportida yo’lovchilar tashish faoliyati bilan litsenziyasiz shug’ullanish —
fuqarolarga eng kam ish haqining yigirma baravaridan yuz baravarigacha, mansabdor shaxslarga esa — ellik baravaridan yuz ellik baravarigacha miqdorda jarima solishga sabab bo’ladi.

176⁴-modda. Taksilarni yagona tanish belgilari bilan jihozlashga doir talablarni buzish
Yagona tanish belgilari bilan jihozlanmagan yoki belgilangan talablar buzilgan holda jihozlangan taksilarni yo’lga chiqarish, —
transport vositalarining texnik holati va ulardan foydalanish uchun mas’ul bo’lgan mansabdor shaxslarga eng kam ish haqining besh baravaridan yetti baravarigacha miqdorda jarima solishga sabab bo’ladi.
Belgilangan tartibda yagona tanish belgilari bilan to’liq jihozlangan taksilarning haydovchilari tomonidan mazkur belgilardan qasddan foydalanmaslik yoki ular shikastlanganligiga qaramay yo’lovchilarni tashish, —
fuqarolarga eng kam ish haqining bir baravaridan uch baravarigacha miqdorda jarima solishga sabab bo’ladi.

[ОКОЗ:

1.03.00.00.00 Фуқаролик қонунчилиги / 03.15.00.00 Фуқаролик муомаласи қатнашчилари, товарлар, ишлар ва хизматларни индивидуаллаштириш воситалари / 03.15.02.00 Товар белгиси (Хизмат кўрсатиш белгиси)]