Turbobur va vintli quduq tubi dvigatellari bilan burg‘ilashda burg‘ilash eritmasining oqimi hosil qiladigan gidravlik energiya - mexanik energiyaga aylanib burg‘ini harakatga keltiriladi. Elektroburda - elektr energiyasi orqali elektrodvigatel harakatga kelib burg‘iga aylanma harakat beradi.
Burg‘ilash ishlarini olib borishda mexnat muhofazasi va atrof-muhit muhofazasi qoidalariga qat’iy amal qilish kerak. Quduqlarni qurish davri deb - burg‘ilash uskunasini burg‘ilash maydonchasiga olib kelib, o‘rnatib, burg‘ilash ishlarini boshlab, quduqni tekshirib, sinab ko‘rib, aniq ma’lumotlarni olgandan keyin, burg‘ilash uskunalarini buzib, bo‘laklarga ajratib, qurilish maydonchasidan olib chiqib ketish va maydonchani tekislab, quduqdan foydalanish davri - quduqlarni qurish davri deyiladi. Bu davr 7-bosqichga bo‘linadi:
