K - Mustahkam tog‘ jinslarini burg‘ilash uchun mo‘ljallangan. Masalan:
1. Kvars ko‘rinishidagi qumtoshlar.
2. Andezitlar, andezit-bazaltlar.
3. Angidrit va ohaktoshli qobig‘i bo‘lgan kvarsli qumtoshlar.
4. Argellit va alevrolitlar.
5. Qattiq ohaktosh va dolomitlar.
OK - Juda mustahkam tog‘ jinslarini burg‘ilash uchun mo‘ljalangan. Masalan:
1. Kvars ko‘rinishidagi qumtoshlar.
2. Andezitlar, andezit-bazaltlar.
3. Mayda donali, kvarslashgan qumtoshlar, orasida argellit va ohaktosh qobig‘i bo‘lgan.
4. Argelit va alevrolitlar.
5. Qattiq ohaktosh va dolomitlar.
Burg‘ilash tizmasi burg‘ini (quduq tubi dvigateli bilan birgalikda) quduq usti jihozlari (vertlyug va boshqalar) bilan bog‘lash uchun xizmat qiladi va boshqaruvchi quvur, burg‘ilash quvurlari, og‘irlashtirilgan burg‘ilash quvurlari, burg‘ilash qulflari, bog‘lovchilar va boshqa qo‘shimcha elementlardan iborat bo‘ladi.
Boshqaruvchi quvur deb nomlanuvchi burg‘ilash tizmasining yuqori qismi vertlyug (1) ga yuqoriga bog‘lovchi orqali bog‘lanadi. Boshqaruvchi quvur birinchi burg‘ilash quvuriga (8) boshqaruvchi quvurning ostki bog‘lovchisi (5), himoyalovchi bog‘lovchi va burg‘ilash qulfining muftasi (7) orqali bog‘lanadi. Burg‘ilash quvurlari (8) bir-biriga burg‘ilash qulfining muftasi va nippel (9) dan tashkil topgan burg‘ilash qulflari orqali yoki bog‘lovchi muftalar (10) yordamida bog‘lanadi. Og‘irlashtirilgan burg‘ilash quvurlari bog‘lovchi (11) yordamida burg‘ilash quvuriga bog‘lanadi. Ostki og‘irlashtirilgan burg‘ilash quvuri esa bog‘lovchi (14) orqali burg‘iga bog‘lanadi. Burg‘ilash tizmasi quyidagi vazifalarni bajaradi (7.4-rasm).
