- tabiiy gazni tayyorlash qurilmasi to‘rtta navbati;
- NO‘M vaA havosi uchun ikkita kompressor stansiya;
- aylanma suv ta’minotining nasos stansiyalari bo‘lgan ikkita gradirlash moslamasi;
- yemirilish ingibitorlarini tayyorlash va saqlash ombori;
- mash’ala xo‘jaligi;
- kanalizatsiyali nasos stansiyalari bo‘lgan kanalizatsiyali muhandislik tarmoqlari;
- elektr kuchlanishli uskunalarni ta’minlash uchun ikkita 2KTP 1000/6-0,4 kW kichik stansiyasi.
Qurilmalar majmuasining bosh loyihachisi gaz konlari uskunalarini ishlab chiqish bo‘yicha Saratov shaxridagi ilmiy-tadqiqot va loyiha-konstruktorlik instituti hisoblanadi. Kondagi qazib chiqarish ishlari loyihasi «SredazNIIgaz» tomonidan 1980 yilda bajarilgan. Tabiiy gazni tayyorlash qurilmasi to‘rtda navbatda qurilgan bo‘lib, «Sho‘rtan-16» gazkondensatli konidan qazib olinayotgan tabiiy gazni past haroratli separatsiyalash metodidan foydalangan holda, uzatiladigan gazni «Sho‘rtan» konining tabiiy gazi sifatini TSh 39.2-146 talablariga mos ravishda tayyorlash uchun xizmat qiladi. Ushbu qurilmaning o‘ziga xos xususiyatlaridian biri shundaki, har bir navbatda qurilgan qurilmalarda amalga oshiriladigan barcha tabiiy gazni tayyorlash texnologik jarayonlari blok-modulda joylashgan. Qurilmalarining apparatlari, blok-komplektlar holatida tayyorlangan. Qurilmadagi blok-komplekt jihozlarni ishlab chiqishni neftkimyo apparaturalarining markaziy konstruktorlik byurosi (NMKB) bajargan.
Texnologik jarayonlarni nazorat qilish, avtomatik ravishda tartiblashtirish va boshqarish, MDH va xorijiy mamlakatlarning moslamalar tayyorlovchi zavodlari tomonidan seriyali chiqariladigan, avtomatika moslamalari va vositalaridan foydalanilgan holda, markaziy kompleks boshqarish tizimi orqali amalga oshiriladi.
Atrof-muhitni muhofaza qilish bo‘yicha kompleks tadbirlar, texnologik tashlanmalarni yoqish va mash’alaga uzatish, biologik hovuzlar-bug‘lagichlarga tashlash sharti bilan sanoat va xo‘jalik-maishiy chiqindilarni tozalovchi inshootlar mavjud.
