Materialshunoslik va yangi materiallar texnologiyasi

Ixtisoslik fanlar bloki:
Materialshunoslik va yangi materiallar texnologiyasi bakalavriat ta’lim yo’nalishi bo’yicha muvofiq kasb faoliyati sohalarida erishilgan asosiy yutuqlar, muammolar va ularning rivojlanish istiqbollari haqida tasavvur hosil qilishi;
Materialshunoslik va yangi materiallar texnologiyasi bakalavriat ta’lim yo’nalishi bo’yicha maxsus bilimlarni, kasb faoliyati ko’nikmalari va uquvlarini shakllantirishi;
ixtisoslikning aniq kasbiy va ilmiy yo’nalishlari bilan tanishtirish, kasb faoliyati xususiyatlari, faoliyatning ustuvor jihatlari, malakaviy talab hamda egallanishi zarur bo’lgan asosiy malakalarni tarkib toptirishi;
kasbiy-yo’naltirilgan talablar, ijtimoiy madaniy sifatlar, mutaxassislikka xos bo’lgan sifatlar (kasbiy yo’nalganlik, bilimdonligi, kasbiy layoqat)ni rivojlantirishi;
muhandischa fikrlashni rivojlantirishi va o’z sohasidagi muhandislik masalalarini mustaqil rejalashtirib yechishga qodir bo’lgan bakalavrni tayyorlashi;
Materialshunoslik va yangi materiallar texnologiyasi bakalavriat ta’lim yo’nalishidagi ob’ektlar va jarayonlarni, jumladan amaliy dasturlar paketlarini va matematik modellashtirishning elementlarini qo’llab, tadqiqot qilish qobiliyatini shakllantirishga ko’maklashishi;
talabaning muayyan magistratura mutaxassisligi bo’yicha kelgusida ta’limni davom ettirishga ongli munosabatda bo’lishiga ko’maklashishi lozim.
Qo’shimcha fanlar bloki
Materialshunoslik va yangi materiallar texnologiyasi bakalavriat ta’lim yo’nalishi talabalarining umumkasbiy va ixtisoslik fanlari bo’yicha qo’shimcha ravishda chuqur bilim olishga bo’lgan ehtiyojini qondirishi;
mehnat bozorida raqobatbardoshlikni ta’minlashi hamda ta’lim xizmatlari sohalari rivojini jadallashtirishi;
kasbiy faoliyat strategiyasi va taktikasini to’g’ri tanlay olish, kasbiy nuqtai nazarning barqarorligini ta’minlashi;
ta’lim sifatiga qo’yilayotgan talablar va mehnat bozori kon’yunkturasi tez o’zgarayotgan sharoitda bakalavriat ta’lim yo’nalishlari bo’yicha o’quv rejalar va fanlar dasturlarining safarbarligi va moslashuvchan bo’lishini ta’minlashi lozim.
Tanlov fanlari:
Ta’lim yo’nalishi bo’yicha fan, texnika va texnologiyalarning zamonaviy yutuqlari, kadrlar buyurtmachilari talablaridan kelib chiqqan holda tanlov fanlarining tarkibi va ularning mazmuniga qo’yilgan talablar OTM Kengashi tomonidan belgilanadi.

3.2. 60720600 – Materialshunoslik va yangi materiallar texnologiyasi bakalavriat ta’lim yo’nalishi o’quv rejasidagi yuklama hajmi

Barcha turdagi auditoriya va auditoriyadan tashqari o’quv ishlarini o’z ichiga olgan o’quv yuklamasining eng yuqori hajmi haftasiga 54 soat qilib belgilanadi. Ishlab chiqarishdan ajralgan holda (kunduzgi) o’qish shakli uchun auditoriya mashg’ulotlarining eng yuqori hajmi haftasiga 36 soatgacha qilib belgilanishi mumkin.
O’qishning normativ muddati to’rt yil bo’lgani holda o’quv jarayoni 204 hafta davom etishi zarur.