Trenerlik faoliyatini amalga oshiruvchi shaxslar quyidagi huquqlarga ega:
O‘zbekiston Respublikasi hududida trenerlik faoliyatini amalga oshirish;
tayyorlash, qayta tayyorlash va malaka oshirish kurslarini o‘tash;
sport musobaqalari, ommaviy jismoniy tarbiya va jismoniy tarbiya sog‘lomlashtirish tadbirlari, anjumanlar, seminarlar, kurslar va yig‘inlarda ishtirok etish;
-navbatdagi malakaviy trenerlik toifasini olish.
Trenerlik faoliyatini amalga oshiruvchi shaxslar quyidagilarga amal qilishga majbur:
qonun hujjatlarida belgilangan tartibda attestatsiyadan o‘tish;
o‘z faoliyati jarayonida jismoniy tarbiya va sport bilan shug‘ullanuvchilarga vatanparvarlik, vatanga muhabbat tuyg‘ularini tarbiyalashga, ularning sog‘ligini mustahkamlashga sport mahoratini oshirishga, ularni axloqiy, ma’naviy tarbiyalashga alohida e’tibor qaratish;
o‘z faoliyatini, trenerlik faoliyatiga qo‘yilgan talablarni belgilovchi reglament nizomlar va boshqa hujjatlarga muvofiq amalga oshirish;
kasbiy malaka darajasini uzluksiz ravishda oshirib borish;
-jismoniy tarbiya va sportni targ‘ibot qilish bo‘yicha faol ish olib borish;
yuksak madaniyat va tashkilotchilik bo‘yicha o‘rnak bo‘lish, shug‘ullanuvchilar tomonidan qo‘pollik intizomsizlik va axloqiy me’yorlar buzilishining oldini olish.
Trenerlik faoliyatini tashkil etish quyidagidan iborat:
aholi orasida jismoniy tarbiya va sport bo‘yicha mashg‘ulotlarni va sportchilarni tayyorlash bilan bog‘liq bo‘lgan tibbiy tavsiyalar va boshqa hujjatlarda belgilangan sharoitlar, me’yorlar vaqt talablariga muvofiq;
O‘zbekiston Respublikasi hududida hamda chet elda o‘quv mashg‘ulotlari, o‘quv-mashq yig‘inlari va sport musobaqalari ommaviy jismoniy tarbiya va jismoniy tarbiya - sog‘lomlashtirish tadbirlari o‘tkazilayotgan joylarda;
jismoniy tarbiya – sport jamoat birlashmalarida, sport klublari va markazlarida, boshqa sport texnika tashkilotlarida jismoniy tarbiya va sport jamoalarida;
o‘quv maskanlarida;
aholiga xizmat ko‘rsatadigan sport, sport – sog‘lomlashtirish jismoniy tarbiya – sog‘lomlashtirish va sport – tomosha tashkilotlarida, shaxmat – shashka klublari, o‘q otish maydonlari, aholiga xizmat ko‘rsatuvchi seksiya va guruhlarida.
