Mavzu: 5-7 sinflarda dars o‘tkazish uslubiyati. Reja: kirish

Jismoniy tarbiyaning shaxsni xar taraflama kamol toptirish tamoyili: Jismoniy tarbiya jarayonida aqliy, axloqiy va estetik tarbiya vazifalarini xal etish uchun juda katta imkoniyatlar bor. Bu vazifalarni xal etish shaxsni xar taraflama kamol toptirish omili sifatida jismoniy tarbiyaning rolini kengaytirib, bevosita jismoniy tarbiyaning o‘z muvaffaqiyatini ta’minlaydi. Ma’naviy va jismonan xar tomonlama kamol topgan kishilargina takomillashgan jamiyat quruvchilari bo‘lishi mumkin. Barkamol insonni tarbiyalash jismoniy tarbiya to‘g‘ri tashkil etilgan sharoitda amalga oshadi. Xar tomonlama rivojlangan shaxs bo‘lib, etishish biologik hamda ijtimoiy qonuniyatlar talabidir. Insonning jismoniy barkamolligi uning ruxiy kamoloti bilan uzviy bog‘liqdir. Odamning ruxiy dunyosi tashqi ta’sirlar, ijtimoiy muhit hamda insonning atrofidagi sharoitlarni o‘zgartirishga qaratilgan harakati tufayli shakllanadi. Ko‘rinib turibdiki, jismoniy tarbiya jarayoni shartli reflekslarni shakllanishi va bog‘lanishi uchun fiziologik poydevordir. Insonning jismoniy tarbiya va sportdagi yutuqlari, rekordlari, oliy darajadagi harakat va ko‘nikmalari shakllanishi sportchining aqliy, axloqiy, ma’naviy estetik va g‘oyaviy—siyosiy shakllanishi bilan uzviy bog‘liq bo‘lganda qadr—qimmatga ega bo‘ladi. Ijtimoiy faoliyat ixtisoslashgan ko‘rinishda bo‘lib, ishlab chiqarish va xarbiy jismoniy tayyorgarlikka bog‘liqdir, ya’ni ixtisoslashuvning muvaffaqiyati ta’lim va jismoniy tayyorgarlik asosida yaratiladi. Xar tomonlama umumiy jismoniy tayyorgarlik inson kamolotining asosiy qonuniyatlaridandir. Jismoniy fazilatlarning takomillashuvi oliy darajadagi harakat malaka va ko‘nikmalarini shakllanganligi maxsus jismoniy tayyorgarligini amalga oshirish imkoniyatini beradi. Sportda rekordlar ketidan quvish yoki shuxratparastlik hislati shaxsni xar tomonlama rivojlantirish tamoyilini buzadi, va natijada jamiyat uchun xos bo‘lmagan axloqsiz sportchilar shakllanadi.
Jismoniy tarbiya sog‘lomlashtirish tamoyili: Bu tamoyildan quyidagi qoidalar kelib chiqadi: Jismoniy tarbiya bilan shug‘ullanuvchilarning sixat - salomatligini mustaxkamlash. Jismoniy madaniyat tashkilotlari, jismoniy tarbiya o‘qituvchilari, trenerlar sog‘lom kishilar bilan ish ko‘radilar. Ular gimnastika, sport, o‘yinlari va turizm bilan shug‘ullanuvchilarning sixat-salomatligini saqlash uchungina emas, balki ularning sog‘lig‘ini mustaxkamlash uchun ham javobgardirlar. Jismoniy mashqlar to‘g‘ri qo‘llanilgan sharoitlarda sog‘lomlashtiruvchi samara beradi. Jismoniy mashqlarni noto‘g‘ri qo‘llash sixat - salomatlikka putur etkazishi mumkin. Jismoniy mashqlar bilan shug‘ullanuvchilarning yoshi, jinsi, biologik xususiyatlarini va salomatligini xisobga olish zarur. Shuningdek jismoniy tarbiya jarayonlarini samarali tashkil etishda tabiatning sog‘lomlashtiruvchi kuchlari va gigienik qoidalarini ham ahamiyati katta. Sport inshootlari va sport zallarini zamonviy talablarga javob berishi sport jihozlarini yaroqliligi, qulayligi va zamonaviyligi ham mashg‘ulotlarni samarali tashkil etishga katta yordam beradi. Muntazam ravishda olib boriladigan vrach va pedagog nazorati ularning ana shu xususiyatlarini qat’iy xisobga olib borishni ko‘zda tutadi. O‘qituvchi ham, mashg‘ulotlarda qatnashuvchining o‘zi ham jismoniy mashqlarning ta’siri ostida kishining organizmida yuz beradigan o‘zgarishlarni o‘z vaqtida sezmasligi mumkin.. Jismoniy tarbiya va sport tashkilotlari mashg‘ulotlarni tashkil etishda qatnashuvchilarni doimiy tibbiy nazoratdan o‘tkazib turishlikni ta’minlash kerak. Tibbiy nazaoratdan o‘tgandan so‘ng ular yana o‘z soxalari yoki sport turlarida mashug‘ulotlarini davom ettirishlari mumkin. Malakali tibbiy xizmatning etarli darajada tekshirriiluvi va shifokorning ruxsati bilan mashg‘ulotlarni olib borishlari mumkin.
Jismoniy tarbiya axolining umumiy tarbiyasini bir qismi bo‘lib, bu tarbiya jarayonida aqliy, axloqiy, estetik hamda mehnat tarbiyasi amalga oshiriladi.