Mavzu: Birinchi tibbiy yordam ko‘rsatishning umumiy tamoyillari. Yuqori nafas yo‘llarini tiklash. Qayta jonlantirish Reja
Yüklə 0,53 Mb. Pdf görüntüsü
|
- Bu səhifədəki naviqasiya:
- Auskultasiya.
- Perkussiya.
|
Paypaslash. Bu usul bilan faqat qorin bo‘shlig‘idagi a’zolarning kasalliklari
emas, balki limfa tugunlari ( bo‘yin, qo‘ltiq va chov sohasidagi lmfa tugunlarining) holati, ya’ni katta- kichikligi, shakli, qattiq-yumshoqligi, og‘rish-og‘rimasligi, harakatchanligi ham aniqlanadi. Bundan tashqari terining tarangligi, namligi yoki quruqligi, bo‘g‘imlar, mushaklar holatini aniqlashda ham shu usul qo‘llaniladi. Paypaslash usulini mukammal bilish, kasalliklarga aniq tashxis qo‘yishda muhim ahamiyatga ega. M, yurak sohasini paypaslash bilan yurak faoliyati va yurak mushaklarida o‘zgarishlar haqida ma’lumotlarga ega bo‘lamiz. Qorinni paypaslashdan asosiy maqsad, qorin bo‘shlig‘idagi a’zolarning joylashgan o‘rni va holatini aniqlashdir. Auskultasiya. Tana a’zosida sodir bo‘ladigan tovushni eshitib ko‘rishga aytiladi. Bunda maxsus asbob- stetaskop, fonendoskop, stetofonendoskopdan foydalaniladi. O‘pka, yurak-tomir tizimini, ba’zan qorin qismidagi a’zolar auskultatsiya qilib tekshiriladi. Auskultatsiya ikki xil bo‘ladi: 1) Bevosita auskultatsiya- bunda bemorning badaniga bevosita quloqni qo‘yib eshitib ko‘riladi. 2) Bilvosita auskultatsiya- bu usulda bemorni maxsus asbob ( stetoskop va fonendoskop ) bilan eshitiladi. O‘pkadagi xirillash, plevraning ishqalanishida paydo bo‘ladigan shovqin, yurakning ishi va shovqini ana shu usulda tekshiriladi. Auskultatsiya usulidan arterial bosimini aniqlashda, qon tomirining urishini eshitishda foydalaniladi. Perkussiya. Tananing ustidan barmoq uchlari bilan urib ko‘rish perkussiya deyiladi. Perkussiya yordamida ayrim ichki a’zolar chegarasi aniqlanadi, shuningdek, ularda sodir bo‘lgan o‘zgarishlar bilinadi. Perkussiya qilinganda ma’lum tovush eshitiladi. SHu tovushga qarab, perkussiya qilingan joyda a’zolar ahvoli haqida ma’lumot olish mumkin. Bevosita va bilvosita perkussiya farq qilinadi. Bevosita perkussiyada bemor badaniga bir yoki juftlangan bir necha barmoq uchlari bilan urib ko‘riladi. Bilvosita perkussiyada badanga qo‘yilgan biror narsa (plessimetr) orqali urib ko‘riladi. Asosan, bevosita perkussiya usuli qo‘llaniladi. Perkussiya qilinganda uchta asosiy tovushga e’tibor beriladi: 1) o‘pka tovushi ( ravshan, aniq, kuchli va davomli ) 2) o‘tmas tovush (sekin va qisva ) 3) timpanik tovush ( jarangli, davomli va ma’lum balandlikka ega) Perkussiya vilingan joyda to‘qima va a’zolar tebranadi. Tebranish tevarak- atrofdagi havoga o‘tadi. Natijada tovush tarzida eshitiladi. Perkussiya qilishda hosil bo‘lgan tovush xossasi, asosan, a’zolardagi havo miqdoriga va organizmning elastikligiga hamda tarangligiga bog‘liq. Yüklə 0,53 Mb. Dostları ilə paylaş:
|