Мавзу: болалар боғчасида тасвирий фаолият машғулотларини ташкил этиш ва уюштириш

Kichik guruhlarda qurish-yasashga o‘rgatishning metod va usullari.
Kichik guruhlarda kubiklar, g‘ishtchalar, plastilin, prizmalardan foydalaniladi. Yil boshida tarbiyachi 4-6ta kichik bolalar guruhi tashkil qiladi. Sekin-asta guruhlar soni ko‘payib boradi, yilning 2 yarmida esa mashg‘ulotlar butun guruh bilan birgalikda olib boriladi. Kichik guruhda qurish-yasashga o‘rgatishda tarbiyachi turli metodlardan foydalanadi. Asosiy metodlar informatsion-retseptiv va reproduktiv metodlardir. Bolalarga nimani, qanday yasash kerakligini tushuntiriladi, tarbiyachi bolalarga namuna ko‘rsatib, to‘la tushuncha beradi. O‘rgatishdan avval tarbiyachi tasvirlanadigan predmetni yaxlit o‘zini, uning qismlarini bolalarga to‘laligicha ko‘rsatib tushuntiradi.
Bolalar predmetni kuzatishlari asosida o‘z qurilmalarini quradilar. Masalan: tarbiyachi sayr vaqtida bolalarga avval zinapoyadan tepalikka ko‘tarilib, so‘ng sirpanib tushish kerakligini aytadi. Mashg‘ulotni boshida namuna yaxlitligicha ko‘rsatiladi. So‘ng namunani qismlari, uning formasi qanday joylashganligi tushuntiriladi (uyning devori, tomonlari, tomi va hokazo). Tarbiyachining bunday tushuntirishi bolalar ishini ancha osonlashtiradi. Bolalar olgan bilimlari asosida o‘z qurilmalarini mustaqil tarzda yasay olishlari kerak. Shuning uchun biror bir qurilmani turli xil variantlarda ko‘rib ko‘rsatish lozim. Har bir mashg‘ulot yakunida tarbiyachi bolalarga bu qurilma bilan qanday o‘ynash mumkinligini ko‘rsatadi (2-3 daqiqa).
Bu paytda bolalarda o‘yin faoliyatiga qiziqish uyg‘onadi. Bu o‘yin faoliyati bolalarni qurish-yasash jarayonidan chalg‘itadi, lekin kichik guruhda bundan tez-tez foydalaniladi. O‘yinchoq bolalarni qurishga undaydi. Bolalarga qurilish materiallari qismlari nomini yaxshi o‘zlashtirish uchun tarbiyachi mashg‘ulotdan keyin materiallarni (guruh) stolga birma bir qo‘yib, ularni nomini aytadi.
Didaktik o‘yinlar orqali ham bolalarga tushuncha berib boriladi. Qurish-yasash faoliyatini yanada qiziqarli o‘tishi uchun tarbiyachi bolalar bilan ishlaganda ertak parchalari, topishmoq va she’rlardan keng foydalanishi lozim. Bu tarbiyachining mahoratiga bog‘liq. Tarbiyachi qurish-yasash jarayonida bolalarni ishlarini to‘g‘ri bajarishlarini, materialdan to‘g‘ri foydalanishlarini kuzatib boradi. Agar tarbiyachi bolalarni biron bir xatolarini ko‘rsa, u paytda qaytadan tushuntirib, ko‘rsatib berishi lozim.
Bolalarni ish faoliyatini tahlil qilganda tarbiyachi faqatgina natijalarnigina emas, balki bolalar namunani qanday kuzatganliklari, materialni tanlab, bajara olishlarini ham hisobga oladi. Mashg‘ulot yakunida tarbiyachi bolalarga qurilish materiallarini yig‘ib joyiga joylashni ham ko‘rsatib beradi.