Mavzu: davlat va nodavlat maktabgacha ta'lim tashkiloti to'G'risidagi nizomning ahamiyati

II Bob. “Maktabgacha ta’lim tо‘g‘risidagi Nizom”ga muvofiq davlatga qarashli maktabgacha ta’limni tashkil etish va boshqarish.
2.1. Maktabgacha ta’lim tashkilotini boshqarish usullari va boshqaruvchining ilmiy saviyasi

SHunga ko’ra boshqarish usullarini ham quyidagicha bo’lish mumkin:

1. Boshqarishning tashkiliy-ma’muriy usullari.
2. Boshqarishning ijtimoiy-psixologik usullari.
3. Boshqarishning huquqiy usullari.
4. Boshqarishning bevosita ko’rsatma berish usullari.
5. Boshqarishda rag’batlantirishdan foydalanish usullari.
6. Kadrlarni ma’naviy jihatdan rivojlantirish usullari.
7. Boshqarishda kuzatish usullari.
8. Ta’lim muassasasi hujjatlarini tahlil qilish usullari.
Boshqarishning tashkiliy-ma’muriy usuli. Boshqarish usullari tizimida alohida o’rinni egallaydi. Ular boshqaruv bo’g’inlarining o’zaro bog’lanib ishlashining boshqaruv munosabatlarini aks ettirib, boshqariluvchi mansablarga ma’muriy ta’sir ko’rsatishining butun mexanizmini ifodalaydi. Boshqaruv bo’g’inlari tomonidan amalga oshiriladigan boshqarish aktlari ikki turga bo’linadi: normativ aktlar va shaxsiy aktlar. Boshqaruvga oid normativ aktlarda aniq muayyan shaxs bo’lmaydi: ular biror sharoitga tadbiqan olinadigan umumiy hatti–harakat qoidalarini o’z ichiga oladi va ko’pincha uzoq vaqtga mo’ljallangan bo’ladi. Boshqarishning shaxsiy aktlari esa muayyan sub’ektlarga qaratilgan bo’ladi.
Tashkiliy usullarni tashkiliy ko’rsatma va farmoyish berish yo’li bilan ta’sir ko’rsatishga bo’lish keng tarqalgan. Tashkiliy ma’muriy ta’sir ko’rsatish turli tashkiliy choralarni masalan, MTMni boshqarishning tashkiliy mazmuni va mundarijasini belgilash, ichki tartib qoidalarni o’rnatish va shu kabilarni o’z ichiga oladi. Farmoyish, ko’rsatma va buyruq berish yo’li bilan ta’sir ko’rsatish barcha boshqarish bo’limlarining ishlanishi kunda tezkorlik bilan ta’minlab turishdan iborat balib, unga ko’rsatmalar berish, yozma shakldagi yoki og’zaki beriladigan buyruqlar vositasi bilan erishiladi.
Boshqarishning ijtimoiy—psixologik usullari maktab xodimlariga ta’sir etish usullaridan biri bo’lib, ular ta’lim muassasasining pedagoglar jamoasini, ulardagi "psixologik iqlimni", har bir hodisaning shaxsiy xususiyatlarini va hokazolarni o’rganishga asoslanadi.
Boshqarishning ijtimoiy - psixologik usullarini ikkita asosiy turga: a) har bir xodimga jamoa orqali ta’sir ko’rsatishga hamda, b) bo’ysunuvchilar bilan yakka holda ish olib borishga bo’lish mumkin.
Boshqarishning huquqiy usullari. Mamlakatimiz xalq xo’jaligi tarmoqlarini hamda o’quv maskanlarini asosan davlat yo’li bilan boshqarish ma’muriyatlar tizimida huquqiy vositalardan tobora kengroq foydalanish amalga oshirilmoqda. Huquqiy vositalar deganda ijtimoiy munosabatlarga yuridik ta’sir ko’rsatish vositalarining jami tushuniladi.
Huquq mezonlari davlat tomonidan chiqariladi, agar jamoat tashkilotlari tomonidan chiqarilsa, davlat tomonidan tasdiqlanadi.
Huquq mezonlari turli qonuniy xujjatlar, nizomlar, ko’rsatmalar, instruktiv–metodik ko’rsatmalar, buyruqlar, farmoyishlar, qarorlar va hokazolar shakliga kiritiladi.
Moddiy javobgarlik korxonalar, tashkilotlar, o’quv yurtlari, maktabgacha ta’lim va maktabdan tashqari bolalar muassasalari, internat —maktablari, bolalar uylari, shuningdek, ayrim mansabdor shaxslarning zimmasiga xo’jalik faoliyatining (muassasalari rahbarlarining xo’jalik ishlari bilan shug’ullanuvchi o’rinbosarlari va xodimlari) natijalari uchun yuklanadigan ma’suliyatdir. Moddiy javobgarlik turli jarimalarda, peniyalarda va hokazolarda ifodalanadi.
Boshqarishning bevosita ko’rsatma berish usuli ko’proq sube’ktlarning buyruq, ko’rsatma, farmoyish, topshiriqlar berish yo’li bilan boshqarish manbaiga ta’sir ko’rsatishini ta’minlovchi usul va harakatlarni o’z ichiga oladi.
Boshqarishning mazkur usullari ta’lim muassasasidagi ta’lim- tarbiya jarayonida qatnashuvchilarning yuqori boshqaruv bo’g’inlari va ta’lim muassasasi ma’muriyati hamda pedagoglar kengashining qarorlari, boshqaruvchining buyruqlari va turli ko’rsatmalarni bajarish uchun MTM xodimlarining shaxsan javobgar bo’lishini ta’minlaydi.
Boshqarishda rag’batlantirishdan foydalanish metodlari.
Ta’lim muassasasi ichki boshqaruv tizimida tarbiyachi va texnik xodimlarni rag’batlantirish ta’lim - tarbiya ishlarini takomillashtirish va uning sifat - samaradorligini yanada oshirishda muhim pedagogik ahamiyat kasb etadi.
Rag’batlantirish turlariga quyidagilar kiradi: joriy mukofotlash, ta’lim–tarbiya ishida alohida o’rnak ko’rsatgani uchun mukofotlash va hokazolar.
Pedagog xodimlarni ma’naviy jihatdan rivojlantirish usullari. Mehnatning ma’naviy omillari ma’naviy - siyosiy, ijodiy va boshqa omillarni o’z ichiga oladi. Ma’naviy - siyosiy omillarning negizi ilmiy dunyoqarash, tarixiy taraqqiyot istiqbollarini tushunish va qayta qurish tantanasiga ishonishdir. SHuning uchun ta’lim muassasasining peagoglar jamoasini boshqarishda ularning har birini siyosiy, ilmiy, metodik va umumpedagogik jihatdan saviyalarini oshirib borishi, shuningdek, ularga iqtisodiy bilimlar berish muhim ahamiyat kasb etadi. Hozirgi kunda ta’lim muassasasi xodimlarining ongi qanchalik yuqori bo’lsa, ularning pedagogik mehnat sohasidagi faoliyati, binobarin, o’quv - tarbiya bobidagi yutuqlari shunchalik yuksak bo’ladi.