Mavzu: ‘Farg’ona neftni qayta ishlash zavodida elou avt qurilmasi yordamida neftni suvsizlantirish va tuzsizlantirish’

1- tsex – zavodning asosiy tsexi, 11 ta qurilmani o‘z ichiga oladi: ular – xom neft va ELOU-AVT-1, ELOU-AVT-2, ELOU-AVT-3, ELOU-AVT-4, AT-5 gaz kondensatlari, L 35/11-300 va LCH 35/11-600 katalitik reformingni birlamchi qayta ishlash, 35/2 dagi ekstra benzin olish, etan va gazoyl gidrodesulfurizatsiyasi (GDS), gazni fraksiyalash (GFQ) qurilmalaridir. Tsex qurilmalari quyidagilarni ishlab chiqaradi:

• tovar mahsulotlari, dizel yoqilg‘isi, aviakerosin, ekstra benzin va siqilgan gaz:

  
  

• yarim tayyor mahsulotlar: keyinchalik qayta ishlash uchun yuboriladigan benzin, moyli distillyatlar, gudron, mazut.

  
  

2- tsex – 7 ta qurilmani o‘z ichiga oladi:
Bular - 21/10-300, 21/10-600 dagi ohista kokslash, neft koksini maydalovchi, 19/3 dagi bitum ishlab chiqarish, gudronni propan yordamida deasfaltizatsiya qilish - 36/1, 36/ZM dagi bir pog‘onali va 36/5 dagi ikki pog‘onali qurilmalardir.
Ishlab chiqarilayotgan mahsulotlar:
Tovar holatida: bitumlar, kokslar.
Yarim tayyor mahsulotlar: deasfaltizatlar va asfalt.


3-tsex – 7 ta qurilmani o‘z ichiga oladi:
Bular - 37/1, 37/2, A-37/1, A-37/3 dagi moylarni selektiv ravishda tozalovchi qurilmalar,
42/2M dagi deparafin moylarini oqartiruvchi gil yordamida kontakt yo‘li bilan tozalovchi, G-24 dagi moylarni gidrotozalash, 57/1,2 dagi moylarni kompaundlash qurilmalaridir.

5-tsex – 9 ta qurilmani o‘z ichiga oladi:
Bular - 39/1 va 39/6 dagi moylarni deparafinlash, 39/7-1, 39/7-2 dagi moylarni ikki bosqichli filtrlash yordamida deparafinlash va 39/8 dagi moylarni chuqur deparafinlash uskunalari, shuningdek 40/2 dagi parafin ishlab chiqarish, 1-1A dagi azotni quyish kompressor va azot ishlab chiqarish uchun PSA qurilmalaridir.
Ishlab chiqarish – yarim tayyor mahsulotlar:
Deparafinlangan moylar, gachlar, petrolatum, parafin – xom-ashyo. PSA qurilmasidan olinadigan azot zavodning texnologik qurilmalarini inert gaz bilan ta’minlashga mo‘ljallangan.
6-tsex – tovar xom-ashyo tsexi, xom-ashyo, qo‘shimchalar, reagentlarni qabul qilish, saqlash va uskunalarga uzatish, benzinlarni kompaundlash va tovar mahsulotlarini ortishga mo‘ljallangan.