o‘rnini darrov boshqa bir qiziqish, havas oladi. Bunday o‘quvchilarni qiziqishlari tez o‘zgaradi. Ularda paydo bo‘ladigan qiziqishlar nihoyatda kuchsiz bo‘lib, tez o‘tib ketadi. Bunday o‘quvchilarda ko‘pincha muayyan orzu - havaslar bo‘lmaydi. Albatta, to‘g‘ri yo‘lga qo‘yilgan jismoniy mashg‘ulot va sport ishlarining o‘ziyoq o‘quvchilarda sportga bo‘lgan qiziqishni tarbiyalaydi. Har qanday jismoniy tarbiya darsi va har qanday sport musobaqasi o‘quvchi uchun qiziqarlidir. O‘quvchilarda jismoniy tarbiya va sportga qiziqishni paydo qilish va uni barqaror qilish maktabdagi jismoniy tarbiya o‘qituvchilariga ham ko‘p jihatdan bog‘liq. O‘quvchilarda sport ishlariga qiziqishni vujudga keltirish va uning barqarorligini saqlab qolish uchun avvalo, o‘qitiladigan darslarning emotsional, yorqin va jonli bo‘lishi, tashkil etilgan sport musobaqalari kelgusida kasb egallash, ma’lumotini oshirish va sog‘ligini mustahkamlash uchun zarurligini o‘quvchilarga anglatib borish katta ahamiyatga egadir. Qiziqishlari past yoki tartibsiz bo‘lgan o‘quvchilarning ma’naviy hayoti mazmunsiz va betayin bo‘ladi. Bunday o‘quvchilar o‘zlarining nima uchun yashayotganliklarini ko‘pincha bilmaydilar va hayotdan o‘z o‘rnini topishga harakat qilmaydi. O‘quvchilardagi qiziqishlarning susayib yoki yo‘qolib ketishi ularning aqlini ham pasaytirib qo‘yadi faoliyatni susaytirib yuboradi va boshqa ma’naviy fazilatlariga putur yetkazadi; o‘quvchini bekorchilikka moyil, yalqov qilib қўяди. Bunday o‘quvchilar bo‘sh qolgan vaqtlarida nima bilan mashg‘ul bo‘lishlarini bilmay zerikadilar yoki vaqtni o‘tkazadigan biror bekorchi ermak topishga urindilar. Muayyan sport bilan shug‘ullangan o‘quvchilar har doim tetik, faol bo‘ladilar. Bunday o‘quvchilarning hati ma’noli va sermazmun bo‘ladi. Ular doim maqsad yo‘lida olg‘a intiladilar. Qalban vatan hissini, ota - ona
