Mavzu: Musiqa o’qitish metodikasi fanida birinchi sinf o‘quvchilarining umumiy pedagogik va musiqiy tavsifnomasi

Yil mavzusi “Biz musiqani sevamiz ".
1-chorak mavzusi “Biz yoqtirgan kuy va qo‘shiqlar”. Ushbu chorak davomida o‘quvchilar musiqa savodi bo‘yicha eng oddiy atama va tushunchalar haqidagi tasavvurlarga ega bo‘lishlari ko‘zda to‘tiladi. Ya’ni, ular musiqa tovushlari, baland va past tovushlar, uzun va qisqa tovushlar haqida tasavvurlar hosil qiladilar. Bu tushunchalar kuy va qo‘shiqlarni tinglash va kuylash jarayonida tarkib toptiriladi.
2-chorak. “Musiqali o‘yinlar va qo‘shiqlar” deb nomlanadi. Bu chorakda o‘quvchilarga quyidagi nazariy bilimlar beriladi: baland-past, uzun-qisqa tovushlar haqidaga tushuncha va tasavvurlar mutahkamlanadi, Do-majorni nota chizigidagi joylashuv o‘rniga qarab kuylashga kirishiladi.
3-chorak. “Hushnavo cholg‘ularimiz” deb nomlanadi. Musiqa savod-xonligi doirasida o‘quvchilarga kuy yo‘nalishini (harakatini), tovushlar cho‘zimini, nota chizigidagi o‘rnini grafik chiziqlar orqali ifodalash orqali mashqlar bajariladi. Kuy chizmasidagi uzun va qisqa tovushlar ustida chorak va nimchorak notalarni yozib kuylashigi e’tibor qaratiladi.
4-Chorak. “Hushnavo cholg‘ularimiz”. Qo‘shiq ko‘yini grafik chiziqlarda ifodalab, uni so‘zlari bilan rasmga qarab kuylash, chorak va nimchorak nota yozuvlari haqida bilimlarni mutahkamlash va bolalar cholg‘u asboblarida kuyga ritmik jo‘r bo‘lish ko‘nikmalari ustida ish olib boriladi. O‘quv yili davomida oddiy dirijyorlik qoidalari “diqqat”, “auf takt”, “boshlash”, “tugallash” ko‘nikmalari hosil qilinadi.