Mavzu: O‘G‘il bolalar shortigining namunasini tayyorlash ishdan maqsad

MAVZU: O‘G‘IL BOLALAR SHORTIGINING NAMUNASINI TAYYORLASH


Ishdan maqsad: Talabalarda o‘g‘il bolalar shortigining namunasini tayyorlash bo‘yicha bilim va ko‘nikalarni hosil qilish.
Kerakli jihozlar va asbob-uskunalar
Bitta talaba uchun: bichuv stoli, texnologik xarita, chizg’ich, rangli qalam, o’chirg’ich, qora qalam, sm lenta, qaychi, meyoriy hujjatlar, gazlama, karton yoki qog‘oz, igna, ip, qaychi, dazmol mavzuga oid plakatlar va video lavhalar, proyektor,
kompyuter.
Asosiy masalalar:
1. O‘g‘il bolalar shortgini loyihalash va modellashtirish
2. O‘g‘il bolalar shortigining namunasini tayyorlash
O’g’il bolalar kiyimining formalari va modalari tobora ko’payayotganligi katta yoshdagi kishilar kiyimlarining turlari hamda formalarining ko’payishi bilan chambarchas bog’liq.
Hozirgi bolalar kiyimining asosiy sifat ko’rsatkichlaridan biri uning funktsionalligidir. Kiyimning funktsionalligi kompleks tushuncha bo’lib, kiyimning konstruktiv va estetik xarakteristikasini, unga qoyiladigan fiziologik, sotsial va texnologik talablarini o’z ichiga oladi.


137-rasm: O‘g‘il bolalar shortigining turli ko’rinishlari


Maktab yoshidagi bolalarning kiyimlari xilma-xilligi bilan ajralib turadi. Maktab bolalarining kiyimlar garderobini maktab formasidagi o’quvchilar kiyimi bilan bir qatorda, sport kiyimlari tashkil etadi. Kundalik kiyimning turli uslubdagi formalari va qat-qatligi bilan xarakterlanadi. Ko’proq to’g’ri bichimli tikilishi uning yeng o’miziga o’tqazib tikiladigan yoki reglan bichimli yoki kombinatsiyalashtirilgan bo’lishi mumkin, cho’ntaklar turli bo’lishi mumkin.
Formalar universallashtirilishi natijasida beshta yosh guruhi o’rniga ikki guruh qoldirildi: 3 dan 12 yoshgacha va 12 dan 18 yoshgacha bo’lgan bolalar guruhlari, 12 yoshgacha bo’lgan davr modaga beparvo qaraladigan davr hisoblanadi. Bu guruhga mansub bolalarning kiyimlari qulay, shinam, maqsadga loyiq qilib tikilishi bilan birga, badiiy bezatiladi. Bu: applikatsiya, kashta, kiyimni chiroyli ko’rsatadigan rasmlar atrofdagi muhitni bilish vosita-lari hisoblanadi. 12 yoshdan katta boalalarning kiyimlari katta yoshdagi kishilarning kiyimlariga oz-ozdan o’xshatila beriladi (137-rasm).
Bolalar modasida yangilik, birinchi navbatda, yangi turdagi kiyim assortimentlarini ko’payishidir. Bolalar kiyimini loyihalashning asosiy yo’nalishlaridan biri-kiyimning kombinatsiyalashtirilgan formasini hosil qilish bilan birga, ayrim buyumlarning o’zaro almashuvchanligiga erishishdir.
Hozirgi kunda bolalar kiyimining yetakchi va asosiy bichimi to’g’ri bichimli kiyimdir; to’g’ri bichimning variantlari juda ko’p.
Bolalarning keng tarqalgan kiyimi formasining to’kisligi bilan ajralib turadi. Kiyimning belga yopishib turish darajasi assortiment guruhlariga bog’liq.
Hozirgi vaqtda sovuq o’tkazmaydigan material, qavilgan katta hajmli, yopishib turadigan formadagi kiyimlar keng tarqalgan.
Ularning yelka chizig’i kengaytirilgan va yengillash-tirilgan. Yenglari reglan va o’tqazma bo’ladi. Yengi o’mizga o’tqazib tikiladigan kiyimning o’mizi pasaytirilgan va chuqurlashtirilgan. Koketkalari baland va kichik. Bel chizig’i tabiiy o’rnida. Bo’laklar soni-juda kam; ular maqsadga loyiq va konstruktiv xarakterda.
Cho’ntaklarga turlicha ishlov beriladi;
Yakka buyumlardan iborat komplekt kiyimlarning eng ko’p tarqalgan turiga aylanmoqda; yilning fasliga, vaziyatga, qomatning o’zgarishiga va boshqalarga qarab, bu buyumlardan boshqa turdagi komplekt tuzish ham mumkin. O’g’il bolalar koylagi va shortiki 8-9-yoshdagi bolalarga mo’ljallangan bo’lib, yoqasi o’tqazma yoqali. Old bo’lak taqilmasi plankali bo’lib, chap tarafida qoplama cho’ntak joylashgan. Ko’ylak yengi o’tqazma yeng, yeng uchi plankali. O’g’il bolalar shortiki beli rezinkada, yon qirqimida yon qirqimidagi qirqma cho’ntak joylashgan. Gulfik bezak chok bilan tikilgan. O’g’il bolalar shortikining etak qismiga planka qoyilgan.
O’g’il bolalar kiyimining chizmasini chizish uchun zarur hisoblash tartibi qo’llaniladi. Bunda hisoblash, chizma chizish va chizmani kontrol qilish bosqichlarining hammasi saqlanib qoladi. Marfologik belgilarining o’ziga xos jihatlari hisoblash formulalarining koeffitsentlarida, erkin xadlarida, shuningdek, konstruktsiyaning turli uchastkalariga oid ustamalarda va chok haqida o’z aksini topadi.