Mavzu: O'zbekistonda kichik biznes va tadbirkorlikni rivojlantirish istiqbollari reja

MAVZU: O'zbekistonda kichik biznes va tadbirkorlikni rivojlantirish istiqbollari

REJA:

1. 
   Kichik biznes va xususiy tadbirkorlik – iqtisodiy faoliyatning tushunchasi, ahamiyati va vazifalari
   
2. 
   O’zbekistonda kichik biznes va xususiy tadbirkorlikni rivojlantirishning davlat tomonidan qo‘llab-quvvatlanishi
   
3. 
   O’zbekistonda kichik biznes va xususiy tadbirkorlikni rivojlantirish yo’nalishlari va istiqbollari.
   
4. 
   Kichik biznes va xususiy tadbirkorlikni rivojlantirishni qo’llab-quvvatlash davlat dasturi to’g’risida
   
5. 
   

Kichik biznes va xususiy tadbirkorlik – iqtisodiy faoliyatning tushunchasi, ahamiyati va vazifalari.
Bozor munosabatlari sharoitida iqtisodiyotni rivojlantirishning asosiy omillaridan biri kichik biznes va tadbirkorlik faoliyatini rivojlantirishdir. Xo‘sh, «tadbirkor», «tadbirkorlik» tushunchalari qanday mazmunga ega va nimani anglatadi? Bu tushunchalarni hozirgi ma‘nosida birinchi bo‘lib XVII asr oxiri va XVIII asr boshlarida ingliz iqtisodchisi Richard Kantilon qo‘llagan edi. Uning fikricha, tadbirkor tavakkalchilik sharoitida faoliyat ko‘rsatuvchi kishidir. Shu boisdan u yer va mehnat omilini iqtisodiy farovonlikni belgilab beruvchi boylik manbai deb bilgan. Keyinchalik, XVIII asrning oxiri va XIX asrning boshida mashhur fransuz iqtisodchisi J.B.Sey (1767- 1832) «Siyosiy iqti-sod risolasi» kitobida (1803y.) tadbirkorlik faoliyatini ishlab chiqarishning uch mumtoz omillari yer, kapital, mehnatning yaxlitligi deb ta‘riflagan edi. Biznes‖ so’zi ingilizcha so’z bo’lib, u tadbirkorlik faoliyati yoki boshqacha bilan aytganda kishilarni foyda olishga qaratilgan faoliyatidir. Biznes bozor iqtisodiyotining barcha ishtirokchilari orasidagi munosabatlarni qamrab oladi va faqat ishbilarmonlarning emas, balki iste‘molchilarning, yollangan ishchilarning, davlat tizimi xizmatchilarining ham xatti -harakatlarini o’z ichiga oladi. Umumiy ko’rinishda biznes bu kishining bozor munosabatlari tizimidagi ishchanlik va faolligidir. Jumladan, Adam Smit tadbirkorni mulk egasi sifatida ta‘riflab, uni foyda olish uchun qandaydir tijorat g‘oyasini amalga oshirish maqsadida iqtisodiy tavakkalchilikka boradigan kishidir, deb ta‘kidlaydi. Tadbirkorni o‘zi, o‘z ishini rejalashtiradi, ishlab chiqarishni tashkil etadi, mahsulotni sotadi va olgan daromadiga o‘zi xujayinlik qiladi. Biznes- bu avvalo ishlab chiqarishni tashkil etish, iqtisodiy faoliyat va munosabatlar, hayotni o‘zi sungra esa pul ishlash demakdir. Biznes bu xorijiy so‘zdir. U butun dunyo buyicha tarqalgandir, undan barcha mamlakatlarda foydalanidilar. O‘zbek tilida esa biznes so‘zi tadbirkorlik, biznesmen esa tadbirkor demakdir. Biznesmen maxsulotini sotishi natijasida daromad oladi. Bu daromaddan ishlab chiqarish xarajatlari chegirib tashlanadi va qolgan qismi foydani tashkil qiladi. Djon Berdjes va Den Shtaynxoff ― Kichik biznesni boshqarish asoslari‖ kitobida bu jarayoni quyidagi uchburchak sifatida tasvir etganlar.
Kichik biznesga o’zining mustaqil mulki va xo’jalik mustaqilligiga ega faoliyati sohasida yuqori (dominant) hisoblanmagan firmalar kiradi. Kichik korxonalar quyidagilar tomonidan bunyod etilishi mumkin: fuqarolar, ularning oila a‘zolari va boshqa birgalikda mehnat faoliyatini olib boruvchi shaxslar; davlat, ijara jamoalari, qo’shma korxonalar, kooperativlar, xissadorlik jamiyatlari, xo’jalik jamoalari, shirkatchilar va boshqa yuridik shaxs hisoblanuvchi korxona va tashkilotlar; davlat mulkini boshqarish huquqiga ega davlat idoralari; belgilan-gan idoralar, korxonalar, tashkilotlar va shaxslar hamkorlikda; amaldagi ishlab turgan korxona, tarkibidan, ishlovchi jamoa tashabbusi bilan, bitta yoki bir necha tarkibiy bo’linma korxona mulki egasining roziligi va korxonaning ilgari qabul qilgan shartnomaviy majburiyatlarining bajarilishini ta‘minlash sharti bilan ajratib olish natijasida tuziladi. Tadbirkor nimalarni bilishi va qilishi kerak? eng avvalo, tadbirkorlik faoliyatini qanday amalga oshirishni, qanday sharoitda amaliy harakat qilishni, tadbirkor oldida uchraydigan to‘siqlarni hal qilish yo‘llarini va qanday yutuqlarga erishishni bilishi kerak. Tadbirkor - ishlab chiqarishni tashkil etishni, hamda mahsulotni sotishni bilishi kerak. Bozor munosabatlari sharoitida yuzaga keladigan aniq sharoitlarni baholashni va tug‘ri yo‘l tanlashni bilishi kerak. Hech kim, hyech qachon tadbirkorga nima qilishni o‘rgatmay va og‘ir paytdlarda yordamga kelmaydi. Har bir tadbirkor faqat o‘z kuchiga, bilimiga va zakovatiga ishonishi va suyanishi lozim. Tadbirkorlik faoliyatini aksiyadorlik mulki shaklida ham, jamoa mulki shaklida ham, xususiy (yakka) mulk shaklida ham amalga oshirish mumkin. Biroq aksiyadorlik mulki shakli va jamoa mulki shakli doirasida uni tashabbus ko‘rsatish, qarorlar qabul qilish va o‘z faoliyati uchun javobgarlik masalalarida xodimlar va menejerlarga xususiy mulk egasi imkoniyatlari qanchalik darajada berilishiga bog‘liq ravishda amalga oshirish mumkin. Ijodkorlik tadbirkorni ta‘riflashda asosiy mezon bo‘ladi, ammo u har xil shakllarda namoyon bo‘lishi mumkin. Tadbirkor boshqa ijodkor kishilar tomonidan amalga oshirilgan kashfiyotlar, topilmalardan qanday qilib samarali foydalanish mumkinligini biladi. Shu bilan birga, u bu yangiliklardan xaridorning qiziqishini uyg‘otuvchi yangi, ajoyib narsa ishlab chiqarish sohasida foydalanish yo‘llarini topa oladi. Tadbirkorlikning yana bir muhim xususiyati ishlab chiqarish jarayonida yangi g‘oyalarning amalga oshirilishi bozor tomonidan qanday qabul qilinishini oldindan ko‘ra bilish qobiliyatida namoyon bo‘ladi. Shu jihatdan qaraganda, yangilikni bozorda tatbiq etish va iste‘molchining javobini bitta jarayonga birlashtira olish tadbirkor muvaffaqiyatining garovidir. Ko‘pgina tadqiqotchilar jamiyatda tadbirkorlik bilan shug‘ullanuvchilar soni ko‘payib borayotganligini ta‘kidlaydilar. Ma‘lumotlarga ko‘ra, mustaqil faoliyat yurituvchi aholining 8-10% qismi tadbirkorlik bilan shug‘ullanishi mumkin. Tadbirkorlik har qanday boshqa kasb kabi ishbilarmonlik sifatlarini talab qiladi.
Tadbirkor faoliyatining bu jihatlarini o‘rganishda uning faoliyati ketma-ketligini kuzatish alohida ahamiyat kasb etadi. Bunda tadbirkorning asosiy harakatlari ketmaketligi quyidagicha bo‘lishi mumkin: birinchidan, biznes g‘oyasini ishlab chiqish; ikkinchidan, ishbilarmonlik muhitini chuqur o‘rganib chiqish; uchinchidan, tadbirkorning iqtisodiy manfaati bilan biznes g‘oyasining o‘zaro to‘g‘ri kelishi, tadbirkorlik g‘oyasi bilan tadbirkorlik muhitining o‘zaro muvofiqligi; to‘rtinchidan, g‘oyani amalga oshirish uchun kerakli bo‘lgan kapital hajmini belgilab olish; beshinchidan, biznes g‘oyani amalga oshirish uchun kerak bo‘lgan korxona yoki tashkilotni tarkib toptirish. Har bir tadbirkorlik faoliyatining asosini ma‘lum bir g‘oya tashkil qiladi. Bu g‘oyalar oddiyligi bilan ajralib turadi: kimdir tovarni yangicha jildlash g‘oyasini beradi, bozorda mavjud bo‘lgan tovarga yangiliklar kiritadi va shu asosida unga bo‘lgan talab darajasini oshirishga harakat qiladi va hokazo. Ishbilarmonlik g‘oyasi ko‘pincha o‘z professional faoliyatida mustaqillikka erishish va qo‘shimcha fonda olish ishtiyoqida bo‘lgan kishilarda paydo bo‘ladi. Buning uchun kishi iqtisodiy jarayonlarni har tomonlama tahlil qilib, undagi mavjud bo‘lgan yetishmovchiliklarni aniqlab, unga o‘z faoliyatini yo‘naltirishi lozim. Tadbirkorlik g‘oyasini ma‘lum bir muhitda amalga oshirish mumkinligi aniqlanib, ishni tashkil etish bo‘yicha kerak bo‘lgan moliyaviy mablag‘larni olish manba tanlangandan keyin tadbirkor o‘z faoliyatini uch yo‘nalishga qaratmog‘i lozim. Birinchi yo’nalish – ishlab chiqarish jarayonlari va tadbirkorlik tarkiblarini boshqarish. Tadbirkorlik faoliyatining ushbu yo‘nalishi menejment tamoyillarining turi sifatida mustaqil rivojlanadi. Tadbirkor menejmentning asosiy tamoyillarini yaxshi o‘zlashtirgan bo‘lishi va zamonaviy menejer bo‘lmog‘i lozim. Ishlab chiqarishni boshqarish hyech qachon tadbirkorning boshqa yo‘nalishlaridan ajratilgan holda olib borilishi mumkin emas: u ishlab chiqarishni faqat iste‘molchilar uchun tashkil qiladi. Shuning uchun ham tadbirkor faoliyatining ikkinchi yo’nalishi bozorni har tomonlama o‘rganishdir. Bozorda bo‘layotgan jarayonlarni tahlil qilmasdan turib tadbirkorlik faoliyatini samarali olib borish mumkin emas. Sheriklar bilan bo‘ladigan aloqalarni yaxshi yo‘lga qo‘yish tadbirkorlik faoliyatining uchinchi yo‘nalishidir. Bunda tadbirkorlikni yanada rivojlantirish yo‘lida sheriklik munosabatlarini yangi bosqichga ko‘tarish va eski munosabatlardan voz kechish maqsadga muvofiqdir. Yuqorida zikr etilgan ilmiy asoslar, tamoyillar O‘zbekistonda tadbirkorlik, uning kichik biznes va xususiy tadbirkorlikni rivojlantirish bilan bog‘liq bo‘lgan jarayonlarni tizimli tahlil qilish, bashoratlash hamda qaror qabul qilishga asos bo‘ladi.
Korxonani xususiylashtirishning yana bir shakli uni tanlov asosida yoki auksionda jismoniy yoki yuridik shaxslarga xususiy mulk qilib sotishdan iborat. Bunda haridor sotib olingan obyektlarga nisbatan ma‘lum talablarni bajaradi. Tanlov shartlari O‘zbekiston Respublikasi mulkni davlat tasarrufidan chiqarish va xususiylashtirish sohasidagi tartiblariga muvofiq belgilanadi. Umuman olganda, keltirilgan muammolar murakkab bo‘lishiga qaramasdan, O‘zbekistonda mulkdorlar sinfini shakllantirish va tadbirkorlikni rivojlantirish uchun qulay vaziyat vujudga keldi. Hozirgi vaqtda jamiyatimiz tarkibida real mulkka ega bo‘lgan, uni qadrlayotgan va ularni o‘z moddiy farovonliklari uchun asos qilib olayotgan kishilarning katta guruhi shakllandi. Ushbu ijtimoiy qatlamni yanada mustahkamlash davlatning iqtisodiy qudrati oshishiga, uning ijtimoiy-siyosiy barqarorligini ta‘minlanishiga, demokratik qadriyatlar qaror topishiga olib keladi.

Joylardagi mahalliy hokimiyatlar qonunchilik doirasida mahalliy soliqlar va yig‘imlar, hamda hududlar ihtiyorida qoldirilgan umumdavlat soliqlari va yig‘imlari bo‘yicha mablag‘lar hisobidan mahalliy tadbirkorlikning moliyaviy axvolini yaxshilashda o‘z ko‘magini berishi ham mumkindir. Bundan tashqari, kichik biznes va xususiy tadbikorlikni mablag‘ bilan ta‘minlashda byudjet moliyasining yetishmovchiligi sharoitida byudjetdan tashqari moliyalashtirish mexanizmini qo‘llash, ya‘ni lizing, fondlar kafolati, ixtisoslashgan banklar, o‘zaro kreditlar berish jamiyatlari, sug‘urta, auditorlik va konsalting firmalari hamda xalqaro moliya tashkilotlari va muassasalarining chet el kreditlarini faol jalb qilinishidan foydalanish talab qilinadi. Hokimiyat organlari tomonidan ilmiy-ishlab chiqarish hamkorligi uchun shart-sharoitlar tug‘dirish ilmiy-tadqiqot, loyiha konstruktorlik tashkilotlari va sanoat korxonalari o‘rtasidagi uzviy texnologik o‘zaro aloqadorlikni ta‘minlash bilan birga iqtisodiy o‘sish uchun ham zamin yaratishi mumkin. Moliyaviy jihatdan baquvvat korxonalar buyurtmalarini ilmiy-tadqiqot va loyihakonsruktorlik byurolarida amalga oshirilishi tovar ishlab chiqaruvchilar mahsuloti raqobatdoshligini oshirishga imkon yaratadi. Ilmiy tadqiqot ishlari natijasida mahalliy xom ashyo negizida import o‘rnini bosadigan kam xarajatli mahsulot ishlab chiqarish, hamda xom-ashyo, materiallar, kimyoviy reagentlar, ikkilamchi resurslar, ishlab chiqarish texnologik chiqindilarini tadqiq qilish bilan texnologik-ishlab chiqarish jarayonlarida katta yutuqlarga erishish mumkin bo‘ladi. Ilmiy-tadqiqot yo‘nalishlari tadbirkorlikning ishlab chiqarish tuzilmalarini eksport uchun raqobatdosh mahsulotlar va import o‘rnini bosuvchi tovarlar ishlab chiqarishi uchun ham qaratilishi zarur. Bu tadbirlar natijasida respublikamiz bozorida o‘z ixtisoslashgan o‘rniga ega bo‘lgan hududiy xo‘jalik majmuini shakllantirish uchun asos yaratiladi. Buning uchun esa, ishlab chiqarish tarmoqlarida ilmiy-amaliy tadqiqotlarning o‘tkazilishida muvofiqlashtirish ishlarini to‘g‘ri yo‘lga qo‘yilishi taqozo etiladi.

Jamoatchilik munosabatlarini o‘zida mujassam etuvchi mahalla qo‘mitalari faoliyati O‘zbekistonning bozor iqtisodiyotiga o‘tish milliy modelining o‘ziga xosligini belgilaydi. Qonunchilik mahalla mulkchiligini shakllanishiga mone‘lik qilmas ekan, mahalla qo‘mitalarining tadbirkorlikning kichik subyektlarini yaratishlari bizningcha, maqsadga muvofiq bo‘lib, ish bilan band bo‘lmagan aholi ishlab chiqarishga jalb etiladi. Buning natijasida, mahalla ijtimoiy infratuzilmasini shakllanishi va mahallada yashovchilarning madaniy-maishiy darajasini oshirish uchun sharoitlar yaratishga mikon bo‘ladi. Mahalla hududida tadbirkorlik tuzilmalarining mavjudligi bilan mahalla obodonchiligining to‘g‘ridan-to‘g‘ri bog‘liqligini mahalla ahlining his qilishi tadbirkorlikning ijtimoiy yo‘naltirilganlik vazifasini amalda tasdiqlaydi.

2.