bosh miyaga glyukoza yetishmasligi oqibatida yuzaga keladigan ensefaloglyukopeniyadan iborat. Shartli ravishda uning kechishini ikki bosqichga bo’lish mumkin.
Boshlang‘ich yoki simpatoadrenal va bosh miyaga kislorod yetishmasligi oqibatida yuzaga kelgan markaziy nerv tizimidagi o‘zgarishlar.
Simpatoadrenal bosqichda bemorda katexolaminlar ortiqligi natijasida kuzatiladigan taxikardiya, qaltirash, terlash, ochlik hissi kabi belgilar paydo bo‘ladi. Ulardan tashqari, bosh og‘rig‘i, vahima va bezovtalik kuzatilishi mumkin. Gipoglikemiya holati rivojlanib borgan sari markaziy nerv tizimi disfunksiyasi, ya’ni mushaklar tonusining oshishi, o‘zini boshqacha tutish, diplopiya, epilepsiyaga o‘xshash tirishishlar yuzaga keladi va bemorda koma hamda miya shishi rivojlanadi
Davolash.
Bemor hushida bo’lsa shakarli choy ichiriladi va aralashmalardan tozalangan uglevodli taomlar (buterbrod, bo‘tqalar, kartoshka) yediriladi.
Uyda yoki boshqa joyda hushdan ketish va komatoz holat kuzatilganda, zudlik bilan bemor mushagi orasiga 1,0 mg glyukagon, mabodo samara bo‘lmasa yoki dori yo‘q bo‘lsa, 40 % li 20-80 ml glyukoza oqim bilan tomir ichiga yuboriladi.
Parallel ravishda qonda glyukoza miqdori aniqlanadi.
