Ushbu mashqlar bilan mustaqil va muttasil shug’ullaning. Har kuni jadal diqqatni to’plashga erishing.
Qaysi mashqlar diqqatni rivojlanishi uchun murakkablik va qaysi birlari esa oddiylik qilishiga e’tibor bering. Yaxshi natijalarga erishish uchun sizga past natijalar berayotgan mashqlar ustida ishlang. «Mashaqqatsiz rohat bo’lmas» naqliga amal qiling.
Aqlni charxlashga mo’ljallangan shaxs mashqlaringizni ishlab chiqing. Son, harf, so’zlar yordamida yangi mashqlar variantini o’ylab toping.
Mashg’ulot maqsadi: verbal tafakkurni rivojlantirish.
Mashg’ulot uchun jihozlar: tafakkur doirasi (harflar aks ettirilgan doiracha, bo’sh doiracha), ruchka yoki qalam, soat, bayroqcha.
Ushbu trening mashg’ulotida o’qituvchi o’quvchilarga tafakkur doirasi bo’ylab harakatlanishni va har biri ushbu doirada nechta so’z joylashganligi va yangi yana qanday so’zlar hosil qilish mumkinligini tushuntiradi. Shu tarzda o’quvchilar tafakkur doirasini oladilar va har birlari ushbu doirachada nechta so’z aks ettirilganligini qayd etadilar. So’ngra ularning natijalari o’zaro taqqoslab, eng ko’p javob variantiga ega o’quvchiga va so’ngra qolgan o’quvchilarning mulohazalari tinglanadi. Keyingi bosqichda bu tafakkur doirasiga o’quvchilarning o’zlari eng ko’p so’zlar aks ettirishga harakat qilishlari so’raladi. O’quvchilar mustaqil ishga kirishadilar. Kim agar 10 minut orasida vazifani bajarib bo’lsa, u bayroqchani ko’tarib, topshiriqni bajarganligini bildiradi. Barcha o’quvchilar navbat-navbati bilan ushbu jarayonni birma-bir bajaradilar. Natijalar o’qituvchi yordamida muhokama qilinadi va eng tez hamda to’g’ri topshiriqni bajargan o’quvchi «tafakkur saltanati hukmdori» deb e’lon qilinadi.
Verbal tafakkurni rivojlantirish bo’yicha tavsiyalar
Sekin fikrlashga harakat qilib ko’ring. Fikrlashni tezlashtirishga harakat qiling.
O’qish uchun doimo vaqt toping. O’qish aqliy rivojlanishni o’stirishning eng maqbul yo’li, xayoliy timsollar va diqqatni to’plashning jonlantiradi.
