Mavzu: zilziladan keyin hayot faoliyatini ta’minlash va jamoat tartibini saqlash (mahallabay tarzda) Mashg‘ulot maqsadi

 
3-o‘quv savoli. Zilziladan keyin jamoat tartibini saqlash 
Keng qamrovli avariya-qutqaruv ishlari va boshqa kechiktirib bo‘lmaydigan 
ishlar amalga oshirilishini talab etadigan kuchli zilzila bilan bog‘liq favqulodda 
vaziyatlarda O‘zbekiston Respublikasi Prezidentining farmoni bilan O‘zbekiston 
Respublikasining 
butun 
hududida 
yoki 
ayrim 
joylarida 
O‘zbekiston 
Respublikasining 2021 yil 15 dekabrdagi “Favqulodda holat to‘g‘risida”gi 
Konstitutsiyaviy qonuniga muvofiq favqulodda holat joriy etilishi mumkin. 
Kuchli zilzila sodir bo‘lgan hududlarda tartibni saqlash va aholi o‘rtasida 
tashkiliy ishlarni nazorat qilish uchun komendantlik xizmati tashkil etiladi. Ularning 
asosini Milliy gvardiya va Ichki ishlar vazirligining jamoat tartibini saqlash 
xizmatlari tashkil etadi. 
Jamoat tartibini saqlash xizmati zilzila o‘chog‘i markazini o‘rash, shu 
hududda vahimaga tushishning oldini olish, xalq mulkini talon-taroj qilishga qarshi 
tadbirlarni rejalashtiradi va amalga oshiradi. Ular zilzila markaziga avariya-
qutqaruv tuzilmalarining beto‘siq o‘tishini va ularning harakatlanishlarini nazorat 
qiladi. SHu maqsadda asosiy yo‘nalishlarda tekshiruv o‘tkazish va komendantlik 
shoxobchalari tashkil etiladi. 
Aholini va hududlarni favqulodda vaziyatlardan muhofaza qilish va fuqaro 
muhofazasini ta’minlash maqsadida, har bir mahalla fuqarolar yig‘inlari huzurida 
Jamoat tartibini saqlash bo‘linmasi tashkil etiladi. Ushbu jamoat tartibini saqlash 
bo‘linmasi – huquqni muhofaza qiluvchi idoralarga jamoat tartibini saqlashda 
yaqindan ko‘maklashish, zarur holatlarda esa – qutqaruv va boshqa kechiktirib 
bo‘lmaydigan ishlarni bajarishga jalb etiladi. 
Jamoat 
tartibini 
saqlash 
bo‘linmasining 
umumiy 
vazifalari 
quyidagilardan iborat: 
- o‘z tuzilmasining vazifalarini bilish; 
- egallab turgan lavozimini bilish hamda unga yuklatilgan vazifalarni aniq va 
puxta bajarish; 
- tuzilma sardorining buyruq va topshiriqlarini o‘z vaqtida va aniq bajarish; 
- tuzilmaga biriktirilgan texnika va vositalarni, individual va kollektiv himoya 
vositalarini tuzilishini bilish, sozligini tekshirish hamda doimo tayyor holda saqlash; 
- tuzilmada tartib intizomni saqlash, insonlarning hayotini saqlash hamda 
o‘zini himoyalash; 
- doimo haqiqatgo‘y, jasur, tashabbuskor har doim do‘stlariga, tuzilma 
sardoriga yordam berish; 
- ish vaqtida texnika xavfsizligi choralarini aniq bilish va ularga rioya qilish; 
- radioaktiv, zaharlovchi va bakteriologik moddalar bilan zaharlanganda zarur 
choralarni ko‘rish, sodir bo‘lgan vaziyat haqida tuzilma sardoriga axborot berish va 
o‘z ishini davom ettirish; 
- kuchli zilzila bilan bog‘liq favqulodda vaziyatlarning xarakteristikasini 
bilish. 
Jamoat tartibini saqlash bo‘linmasining kuchli zilzilalar bilan bog‘liq 
favqulodda vaziyatlarda amalga oshirishi lozim bo‘lgan alohida vazifalari 
quyidagilardan iborat: 

---

- kuchli zilzila bilan bog‘liq favqulodda vaziyat xavfi yuzaga kelgan yoki yuz 
bergan hududlardan aholini ko‘chirish; 
- yashash joylarida, ob’yektlarda, yig‘in punktlarida, joylashish rayonlarida, 
shuningdek, aholini xavfsiz hududga ko‘chirish yo‘nalishlarida komendantlik 
xizmatini joriy qilish va jamoat tartibini saqlash.