Maxsus talim vazirligi samarqand davlat universiteti inson resurslarini boshqarish fakulteti

1. Tashqi savdoni tartibga solish zarurati va tashqi savdo siyosati..
Tashqi savdo siyosati davlat tashqi iqtisodiy siyosatining tarkibiy qismi bo‘lib, milliy iqtisodiyotning tashqi bozorlardagi raqobatbardoshligini oshirish va tashqi raqobatdan maxalliy ishlab chiqaruvchilarni himoya qilishga ko‘maklashuvchi chora-tadbirlar yigindisidir.
Tashqi savdo siyosati quyidagi ikki yo‘nalishni o‘z ichiga oladi:

• 
  eksport siyosati;
  
• 
  import siyosati;
  

Eksport siyosati eksportga yo‘naltirilgan rivojlanish modeli doirasida rivojlanadi. Import siyosatining turlaridan biri import o‘rnini qoplash siyosati hisoblanib, bu siyosat ko‘pchilik malakatlar iqtisodiyotining sanoatlashishida katta rol uynagan.
Tashqi savdo siyosatining asosida mumkin qadar qulaylik yaratish rejimi yotadi. Tashqi siyosati milliy, ikki tomonlama, hududiy, xalqaro darajalarda amalga oshiriladi. Qayd etib o‘tilgan har bir daraja o‘z xususiyatlariga ega.
Davlatning tashqi savdoga aralashish miqyosida va tartibga solish darajasiga qarab tashqi savdo siyosati proteksionistik va erkin savdo xarakteriga ega bo‘ladi.
Erkin savdo munosabatlari, talab va taklif asosida rivojlanadigan erkin savdo davlatning eng kam aralashuvi siyosatini aks ettiradi.
Proteksionizm-tarif va notarif instrumentlarni qo‘llash yo‘li bilan ikki bozorni xorijiy raqobatchilardan himoya qilish davlat siyosatidir. Qaysi siyosat afzal, degan savol iqtisodchilarning doimo diqqat markazida bo‘lib kelgan. Milliy sanoat rivojlanishiga imkon beruvchi proteksionizm afzalmi yoki milliy ishlab chiqarish ustivorliklarini xalqaro ustivorliklar bilan qiyosiy taqqoslash imkonini beruvchi savdo erkinligimi?
Tarixning turli davrlarida tashqi savdo amaliyoti goh u tomonga, goh bu tomonga qayishib kelgan, to‘gri, u xech qachon ekstremal shakllardan birortasini qabul qilmagan. XX asrning 50-60 yillarida xalqaro iqtisodiyot uchun proteksionizmdan tashqi savdoni yanada liberallashtirish tomonga qaytish xos bo‘lgan bo‘lsa, 70-yillarning boshidan teskari tamoyil ko‘zga tashlandi-mamlakatlar o‘z ichki bozorini tarif va notarif to‘siqlar yordamida xorijiy raqobatdan ximoya qilishni boshladilar.
Zamonaviy proteksionizm nisbatan tor soxalarda – qishloq xo‘jaligi, to‘qimachilik, kiyim-kechak va po‘lat tarmoqlarida mujassamlangan.
Proteksionistik tamoyillar rivojlanishining quyidagi shakllarini ajratish mumkin.

• 
  selektiv proteksionizm –ayrim mamlakatlar yoki tovarlar guruxida nisbatan qo‘llaniladi;
  
• 
  tarmoq proteksionizmi – muayyan tarmoqlarni, avvalo agrar proteksionizm doirasida qishloq xo‘jaligini himoyalaydi;
  
• 
  jamoaviy proteksionizm – mamlakatlar birlashmalari tomonidan ushbu birlashmaga kirmaydigan mamlakatlarga nisbatan qo‘llaniladi;
  
• 
  yashirin proteksionizm – ichki iqtisodiy siyosat usullari yordamida amalga oshiriladi.
  

3.1-rasm.

Savdo siyosati doirasida iqtisodiy, siyosiy, ma’muriy, tashkiliy, hududiy va boshqa masalalar uzviy boglanib ketadi. Xalqaro iqtisodiyot, asosan, savdo siyosati choralarini qo‘llashning iqtisodiy shart-sharoitlarini va oqibatlarini o‘rganib, huduiy va tashkiliy masalalarni ixtisoslashgan fan tarmoqlari, chunonchi, xalqaro savdo huquqi, xalqaro marketing kabilarning ko‘rib chiqishi uchun qoldiradi.
Xalqaro savdoning davlat boshqaruvi instrumentallari o‘z xususiyatiga ko‘ra tarif-bojxona tarifini qo‘llashga asoslangan va notarif- boshqa barcha usullarga bo‘linadi. Boshqaruvning notarif usullari miqdoriy va yashirin proteksionizm usullariga bo‘linadi. Savdo siyosatining alohida instrumentlari ko‘pincha importni cheklash yoki eksportni ragbatlantirish zarurati tugilganda qo‘llaniladi. Savdo siyosati dastaklarning tashnifi 1.1. jadvalda aks etgan.
Davlatning xalkaro savdo doirasidagi asosiy vazifasi – mamlakat eksportyorlariga o‘z mahsulotlarini iloji boricha ko‘proq miqdorda xorijga eksport qilishga yordam berish, ularning tovarlarini tashqi bozorda yanada raqobatbardosh qilishdir. Mamlakat ichkarisida xorijiy tovarlarga talabni ko‘chaytirish, importni cheklash ham uning vazifasiga kiradi.