Maxsus talim vazirligi samarqand davlat universiteti inson resurslarini boshqarish fakulteti

3. Rivojlanayotgan mamlakatlarda kambag'allik muammosi
Jahon iqtisodiyotidagi dolzarb muammolardan biri — bu rivojlanayotgan mamla- katlardagi kambag'allik muammosidir.
Jahon banki kambag'allikni aniqlash uchun uy xo'jaliklarida aholi jon boshiga to'g'ri keluvchi daromadlar va xarajatlar ko'rsatkichidan foydalanadi. Aholi xarajatlarida:
• insonning oziq-ovqatga bo'lgan minimal ehtiyojlari;
• yashash minimumiga mos keluvchi tovarlar va xizmatlar uchun xarajatlar.
Jahon iqtisodiyoti amaliyotida, kambag'allikni aniqlashning mutlaq, nisbiy va subyektiv usullari mavjud. Mutlaq kambag'allik darajasiga muayyan mutlaq minimumdan past daromadga ega uy xo'jaliklari va individlar kiritiladi. Nisbiy kambag'allikka esa daromadi jamiyatda shakllangan standart iste'molga yetmay- digan uy xo'jaliklari va individlar kiritiladi. Subyektiv kambag'allik esa aholining o'z moddiy holatini baholashlari natijasida aniqlanadi.
Mutlaq ko'rsatkich kambag'allikni aniqlashning iqtisodiy, qolganlari esa komp- leks yondashuviga taalluqlidir.
Mutlaq kambag'allikni aniqlashda Jahon banki tomonidan taklif qilingan qator mezonlardan foydalaniladi. Jahon amaliyotida keng tarqalgan ko'rsatkichlardan biri — bu kishi boshiga bir kunlik daromad yoki xarajat 1,25 dollardan (xarid qobi- liyati pariteti bo'yicha) oshmaydigan mutlaq kambag'allik tushunchasidir (2008-yil- gacha 1,0 doll.). Mazkur ko'rsatkich mutlaq kambag'allik darajasining chegara- si hisoblanadi va hozirda dunyoda 1,4 mlrd. kishi ushbu chegarada yashamoqda . Tahlillar ko'rsatishicha, rivojlanayotgan mamlakatlarda aholining 31 % kambag'al¬lik darajasidan past darajada yashaydi. Ushbu ko'rsatkich Afrikaning ba'zi mam- lakatlarida 80,0 %dan past emas (Kongo Demokratik Respublikasi (87,7), Liberiya (83,8), Madagaskar (81,3), Burundi (81,2)) .
Shuningdek, ijtimoiy statistikada kunlik daromadi 2,5 va 10,0 dollargacha bo'l¬gan ko'rsatkichlardan ham foydalaniladi.
Kambag'allik chegarasidan past darajada yashaydigan aholi ulushi oxirgi o'n yilliklarda qisqarib borish tendensiyasiga ega. Jahonda tahlillar ko'rsatishicha 1 dol¬lardan kam daromadga yashayotgan aholining umumiy aholi sonidagi ulushi qat'iy pasayish tendensiyasiga ega. Shuningdek, 1991-2005-yillarda Sharqiy Osiyoda aholi jon boshiga to'g'ri keluvchi yalpi ichki mahsulot miqdori iqtisodiyotni moderniza- tsiyalash jarayonlarining jadal rivojlanishi ta'sirida 4,7 martaga oshgan. Bu esa kun¬lik daromadi 1,25 dollargacha bo'lgan aholi ulushining 77,7 %dan 10,8 %ga qadar pasayishiga, ya'ni 1071 mln. kishidan 316 mln. kishigacha qisqarishiga olib keldi. Kunlik daromadi 2,15 dollardan kam aholi ulushi esa 94 %dan 42 %gacha pasay- di, ularning soni 1293 mln. kishidan 796 mln. kishigacha qisqardi . Jahon hamjamiyati kambag'al Afrika mamlakatlariga iqtisodiy yordam berishga harakat qilmoqda. Ularga nisbatan savdo imtiyozlari joriy qilinmoqda, tashqi qarz- lardan voz kechib yuborilib, texnik yordam berilmoqda. IRSI past mamlakatlarning 2007-yilda rasmiy yordam va boshqa hukumat kanallari bo'yicha olgan yordamlari hajmi yalpi milliy daromadlarining 15 %ni tashkil etdi. Afrikaning Sahroyi Kabiri- dan janubda joylashgan mamlakatlarida esa bu yordam hajmi davlat byudjetining o'rtacha 44 %ga, Laosda 89 %ga va Efiopiyada 81 %ga teng.
Rivojlanayotgan mamlakatlarda kambag'allikni kamaytirish yo'llari quyidagi- lardan iborat:
• barqaror iqtisodiy o'sishni ta'minlash;
• ishlab chiqarish hajmining ortishi va ish haqining o'sishi;
• yangi ish joylarini ochish va bandlikning o'sishi;
• aholi daromadlari taqsimlanishi tafovutlarining kamayishi;
• ta'lim va sog'liqni saqlash tizimlarining rivojlanishi;
• inflyatsiyaning barqarorlashuvi.
Shunday qilib, rivojlanayotgan mamlakatlarning iqtisodiy jihatdan taraqqiy etish istiqbollari har bir mamlakatdagi ichki holat va hukumatlarning olib borayotgan iqtisodiy siyosatlari samaradorligiga bog'liq.