Mehdiyeva səADƏt faziL qızı “Abşeron yarımadasında sənaye tullantıları ilə çirklənmiş torpaqların ekoloji vəziyyəti və onların yaxşılaşdırılması
Yüklə 0,95 Mb. Pdf görüntüsü
|
|
67 N Ə T İ C Ə 1. Magistr dissertasiyasında Abşeron yarımadasının təbii-ekoloji şəraiti, hazırki ekoloji vəziyyəti haqqında mövcud məlumatlar araşdırılaraq ərazidə kəskin ekoloji problemlərin mövcud olduğu müəyyən edilmişdir. 2. Abşeron yarımadasında texnogen təsirlərə məruz qalmış, o cümlədən sənaye tullantıları ilə çirklənmiş torpaqların ekoloji vəziyyəti araşdırılmışdır. Texnogen çirklənmənin təsnifatı növləri, mənbələri, səbəbləri və nəticələri təhlil edilmişdir. 3. Abşeron yarımadasının neftlə çirkləmiş torpaqlarında ağır metallar və radioaktiv elementlərlə çirklənmənin dərəcəsi, ətraf mühitə təsiri təhlil edilmiş, cədvəl və diaqramlarla ifadə edilmişdir. 4. Neft və neft məhsulları ilə çirklənmiş torpaqların neftdən təmizlənməsi üçün yerli təbii şəraitdən, çirklənmənin dərəcəsindən, çirkləndiricilərin tərkib və xassələrindən asılı olaraq mexaniki, fiziki-kimyəvi, kimyəvi, termiki, bioloji, biotexnoloji və digər rekultivasiya üsulları ayrı-ayrılıqda və ya kompleks şəkildə tətbiq edilə bilər. 5. Çirklənmə dərəcəsi, dərinliyi, neftin miqdarı və tərkibinə görə qruplaşdırılmış torpaqlar üçün təklif olunana uyğun rekultivasiya tədbirlərinin həyata keçirilməsi daha səmərəli hesab oluna bilər. 6. MS-1 səyyar qurğusu ilə neftlə çirklənmiş torpaqların təmizlənmə texnologiyası göstərilmişdir. 7. Böyük-Şor gölünün bərpası və gələcəkdə digər göllərin də təmizlənməsi tədbirləri və nəzərdə tutulan işlər haqqında məlumat verilmişdir. 8. Tədqiqatların nəticələri göstərir ki, Abşeron yarımadasında texnogen pozulmuş, sənaye tullantıları ilə çirklənmiş torpaqların ekoloji problemlərinin aradan qaldırılması və qarşısının alınması üçün dövlət əhəmiyyətli kompleks tədbirlərin həyata keçirilməsi zəruridir. ARDNŞ-in “Ekologiya idarəsi” və “Ekol mühəndislik xidmətləri” QSC tərəfindən ərazidə aparılan bərpa işləri böyük əhəmiyyət kəsb edir və onların davam etdirilməsi vacibdir.
|