Onlar yüksək balla
universitetimizə daxil olublar
Zülfüqarov Orxan Əzim oğlu
1999-cu ildə Gədəbəy rayonunda anadan olub. 2006-cı ildə
Şəmkir rayonunun Çinarlı qəsəbə 2 saylı orta məktəbinin I sinfinə
gedib. Orta məktəbi əla qiymətlərlə başa vurub. Bu il keçirilən
qəbul imtahanlarında 700 bal toplayıb. Onun bu cür müvəffəqiyyət
qazanmasında müəllimləri ilə yanaşı, riyaziyyat müəllimi olan
atası Əzim müəllimin də müstəsna xidmətləri olub. Atası Əzim
Zülfüqarovun bildirdiyinə görə, Orxanın bu cür yüksək nailiyyət
əldə edəcəyinə əvvəlcədən inanıb. Oğlunun bu uğuruna sevinən
ata gələcəkdə onun yaxşı həkim olacağına və insanların sağlamlığı
keşiyində lazımi səviyyədə dayanacağına böyük ümid bəsləyir.
Anası evdar qadındır. Bacısı Gəncə Tibb Kollecinin tələbəsi,
qardaşı VI sinif şagirdidir.
Dostları ilə paylaş: | 
