Microsoft Word etno kitab son srift 12

partnyordan da bunu tələb edirlər. Bu səbəbdən də onlar özləri 
haqda çox iddialı, bəzən hətta aqressiv və sadəcə kobud partnyor 

---

ETNOPSİXOLOGİYA 
137 
təəssüratı yaradırlar. Bu, onların partnyora qarşı münasibəti 
olmayıb, sadəcə milli üslubudur. Əksinə, onlar üçün yüksək 
əhvalın olması, səmimilik, enerjililik və mehribanlıq xarakterikdir. 
Onlar danışıqlar zamanı hədsiz rəsmi abu-havanı sevmirlər. 
Onların adət etdikləri davranış tərzi dostcasına münasibətdir. 
Bu dostcasına münasibətin arxasında heç bir şey dayanmır 
danışıqların nəticəsi tamamilə partnyorlar arasında müzakirələrin 
amerikanlara nə dərəcədə sərf etdiyindən və ya etmədiyindən asılı 
olacaqdır. Onlar demək olar ki, həmişə eqosentrizm nümayiş 
etdirirlər. Amerikanların düşüncəsinə əsasən, danışıqların 
aparılmasında onların tərəf müqabili diqqətlə amerikan yanaşması 
ilə tanış olmuş və eyni qaydalara əməl etməlidir. 
Yardım üçün müraciət amerikanlar tərəfindən mənfi 
qarşılanır. Belə ki, onların fikrincə, kömək üçün yalnız partnyorsuz 
mümkün olan bütün variantları sınaqdan keçirdikdən sonra və 
nəticə əldə olunmadığı halda, yəni ən son variant olaraq müraciət 
etmək olar. Onlar şikayət etməyə alışmayıblar və bu səbəbdən də 
“bu sizin probleminizdir və siz qərar verməlisiz” şüarını əsas 
tuturaq tərəf müqabilləri tərəfindən şikayət qəbul etməyə öyrəşik 
deyirlər. Amerikanlara oreol effekti və uğursuzluq effektinin təsir 
mexanizmləri çox yaxşı məlumdur və bu səbəbdən onlar danışıqlar 
aparılacaq gün optimistliyə üstünlük verirlər. 
Amerikanlarla danışıqlar zamanı bütün diqqətin onların 
məqsədinin üzərində cəmləşdirilməsi və onlara bu məqsədlərə 
çatmaqda yardım etməyə yönəltmək faydalıdır. Əgər danışıq 
partnyorunun təklifi amerikan nümayəndələrinin məqsədlərinə 
çatmağa yardım etmiş olsa, onlar mütləq gələcəkdə həmin tərəf 
müqabili ilə bir daha maraqlanacaq və əlaqələr qurmağa 
çalışacaqlar. Lakin, nəzərdə saxlamaq lazımdır ki, təklif mütləq 
şəkildə real və konkret olmalıdır. 
Amerikanlar demək olar ki, həmişə tərəf müqabillərinin 
danışıqlara yaxşı hazırlaşdığını düşünürlər. Bu səbəbdən də 
özlərinin təqdim etdiyi iş qarşılığında cəld reaksiya gözləyirlər və 
özləri də eyni qaydada cəld reaksiya verirlər. Əgər amerikanlı ilə 

---