Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
201 həmçinin incəsənətin gözəl nümunələri hindlilərin xoşuna gəlir. Hindlilərin gözəlliyə olan meylini zərif və qəşəng görünən ənənəvi hind qadın geyimi sari, bayram günlərində insanların bədənlərinin rəsmlərlə bəzədilməsi, hind məbədlərinin arxitekturası sübut edir. Bollivud filmləri Hollivud filmləri kimi xüsusi effektlərlə zəngin deyil. Amma onların dekorasiyaları öz gözəlliyi ilə adamı ovsunlayır. Hindlilərin nəzərə çarpan xarakterik xüsusiyyətlərindən biri də həddən artıq dindar olmaqlarıdır. Demək olar ki, bütün tanrılara dua və ibadət edirlər və günlərini dua etməklə başlayırlar. Hansı dinə mənsub olmaqlarından asılı olmayaraq bütün dini ziyarətgahlara hörmət edirlər. Hindistanda dinə inanmayan insan demək olar ki, yoxdur. Baxmayaraq ki, burada müxtəlif dinlərin tərəfdarları yaşayırlar, dini zəmində heç bir münaqişə yoxdur. Demək olar ki, hər bir hindlinin evində ibadət otaqları var. Hətta müasir ofislərdə iş stoluna Allahların heykəllərini qoymağa, qoroskopa baxmağa və ya vacib işə başlamazdan əvvəl mantra (dua) oxumağa normal baxılır. Hind cəmiyyəti kifayət qədər mühafizəkardır. Dövlətin Konstitusiyası ümumi bərabərliyi elan etməsinə baxmayaraq, kasta sistemi Hindistanda bu günə kimi mövcuddur və yuxarı kastaya keçmək çox çətindir. Həmçinin hindlilər öz din, xalq və ailə ənənələrini müqəddəs tuturlar və başqa xalqların maraqlarına və Allahlarına hörmətlə yanaşırlar. Hindistanda salamlaşmaq üçün bir-birinin əlini sıxmırlar. Bunun əvəzində əllərini sinələrinin qarşısında birləşdirərək “namaste” deyirlər. Ümumiyyətlə, Hindistanda fiziki əlaqələr – çiyinə vurma, qucaqlaşma və mühafizəkar hindlilərin gözləri qabağında ictimai yerdə əl-ələ gəzmək əxlaqsız hərəkət kimi qəbul edilir. Hind cəmiyyəti mühafizəkar olduğuna görə burada patriarxal ənənələri güclüdür və gənclər adətən sevgi əsasında deyil, ailələrin razılığı əsasında ailə qururlar. Təsadüfi deyildir ki, Hindistanda "Məhəbbət sonra gəlir" ifadəsi işlənir. Hindlilər gələcək kürəkən |