Microsoft Word ey farzand ziyouz com doc

HOJATXONAGA KIRISH ODOBLARI 
Ey, farzand! 
Tahorat ushatish uchun hojatxonaga borsang, «Bismilloh» deb chap oyog‘ing bilan kir. O’tirganda 
old yoki orqa tarafing qiblaga to‘g‘ri kelib qolmasin, bunga e’tibor ber. Katta hojat va bavlingga 
qarama. Hojatxona ichida so‘zlama. Ehtiyojing tugamasdan turib ketma, bitgach, uzoq o‘tirib qolma. 
Poklanish uchun kesak yoki shunga o‘xshash jismlarni qo‘lla, bularni chap qo‘ling bilan bajar. 
Peshob tomchilari mutlaqo to‘xtashini kut. So‘ngra suv bilan poklan. 
Suv bilan poklangan a’zo yana toza bo‘z, matoh bilan quruqlanadi. So‘ng kiyinib, turib, o‘ng oyoq 
bilan hojatxonadan chiqiladi. Hojat ishlari bitgach, shu duo o‘qiladi: 
«ALHAMDU LILLAHILLAZIY AZHABA ANNIY MA YU’ZIYNIY. VA AMSAKA ALAYYA MA 
YANFAUNIY».
 
TAHORAT OLISH ODOBI 
Ey, farzand!
Tahorat oladigan joy toza bo‘lishi kerak. Bu xususda janob Payg‘ambarimiz (s.a.v.) shunday 
marhamat qiladilar: 
«Tahorat ushatgan joyingizda tahorat olmangiz. Tahorat suvining har tomchisiga bir yillik namoz 
savobi beriladi». 
U zot (s.a.v.) yana bir hadisi shariflarida shunday marhamat qiladilar: 
«Tahorat ushatgan yerda tahorat olgan kishi o‘zini vasvasadan qutqarolmaydi». 
Boshqa bir hadisi shariflarida esa shunday deydilar: 
«Farishtalar tahorat olishini «Bismilloh» bilan boshlagan kishiga tahorat oxirigacha to‘xtamasdan 
savob yozadilar». 
Sahobalardan biri hazrat Payg‘ambarimizdan (s.a.v.) tahorat foydasini so‘radilar. Rasululloh 
(s.a.v.) shunday javob berdilar: 
«Kimki tahoratni «Bismilloh» bilan boshlasa, qo‘lini yuvar ekan, qo‘li bilan qilgan, yuzini 
yuvayotganda yuzidagi a’zolari bilan orttirgan, qaysi a’zosini yuvsa o‘sha a’zosi bilan qilgan barcha 
gunohlari to‘kilib, afv etiladi». 
Ey, farzand!
Rasululloh(s.a.v.) shunday marhamat qiladilar: 
«Uylaringizni butxonaga aylantirmangiz. Ularni namozlaringiz bilan bezang (ziynatlang)izlar». 
Bir hadisi shariflarida ham shunday marhamat etadilar: 
«Mening masjidimda o‘qilgan ikki rakat namoz boshqa joylarda o‘qilgan ming rakat namozdan 

---

Ey, farzand. Abu Homid G’azzoliy 
www.ziyouz.com kutubxonasi 
4
xayrli (afzal, yaxshi)roqdir». 
Boshqa bir hadisi shariflarida shunday xushxabar beradilar: 
«Kim bomdod namozining sunnatini uyida o‘qib, farzini jome’ga borib, jamoat bilan ado etsa, 
mening masjidimda o‘qilgan namozning savobiga noil bo‘ladi». 
Oisha onamizdan (r.a.) rivoyat etilgan bir hadisi sharifda shunday deyiladi: 
«Rasululloh (s.a.v.) rukuga egilganlarida ustlarining har qanday bir joyida suv to‘la idish qo‘yilsa, 
ichidagi suv to‘kilmagani kabi idish ham har qanday bir tarafga tushib suvi to‘kilmas darajada to‘g‘ri, 
tekis, tartib-intizom bilan turardilar». 
Namozni Payg‘ambarimiz (s.a.v.) o‘qigan shaklda o‘qimoq zarur. Ruku, sajda va boshqa 
harakatlarni U zotdek ado etish namoz qabul bo‘lishi uchun shartdir.