|
12. Müqavilələrin digər növləri
Müqavilələrin qarışıq müqavilə kimi növü fərqləndirilir. Bunlara kompleks müqavilələr də deyilir. Komp-
leks müqavilələr odur ki, bu müqavilələr özündə iki və daha artıq müxtəlif müqavilənin elementlərini birləşdi-
rir (MM-in 390-jı maddəsinin 4-cü bəndi). Qarışıq (kompleks) müqavilə bağlamaq tərəflərin razılığı ilə müəy-
yən edilir. Məsələn, mal göndərmə müqaviləsinin tərəfləri (mal göndərən və alıcı) öz aralarında satılan malların
daşınması, saxlanması və sığorta edilməsi barədə razılığa gəlirlər. Mal göndərən malların təyinat yerinə çatdırıl-
ması üçün dpşıyıcı (nəqliyyat təşkilatı) ilə daşıma müqaviləsi bağlayır. O, yükü sığortalayır və bu məqsədlə sı-
ğ
orta təşkilatı ilə sığorta müqaviləsi bağlayır. Mal göndərən yükü saxlama kamerasına verir və saxlama müqa-
viləsi bağlayır. Belə halda dörd cür müxtəlif müqavilənin — mal göndərmə, sığorta, daşıma və saxlama kimi
müqavilələrin elementlərini birləşdirən qarışıq (kompleks) müqavilə əmələ gəlir. Bu halda tərəflərin münasibət-
lərinə qarışıq müqavilədə elementləri olan müqavilələrə dair qaydalar müvafiq hissələrdə tətbiq edilir (MM-in
390-jı maddəsinin 4-cü bəndi). Bu, o deməkdir ki, tərəflər arasında əmələ gələn mal göndərmə münasibətləri
mal göndərmə müqaviləsi haqqında normalarla, sığorta münasibətləri sığorta müqaviləsi haqqında normalarla,
daşıma münasibətləri daşıma müqaviləsi haqqında normalarla, saxlama münasibətləri saxlama müqaviləsi haq-
qında normalarla tənzimlənir.
Dostları ilə paylaş: | 
